Andrés Ocaña Rabadán

Na Galipedia, a Wikipedia en galego.
Andrés Ocaña Rabadán
Andrés Ocaña Rabadán

8 de maio de 2009 – 11 de xuño de 2011
Precedido por Rosa Aguilar
Sucedido por José Antonio Nieto

Datos persoais
Nacemento 1955
Aguilar de la Frontera (Córdoba), Andalucía
Partido IULV-CA
Profesión Funcionario público

Andrés Ocaña Rabadán, nado en Aguilar de la Frontera en 1955, é un político andaluz. Desde 2009 até 2011, e tras a dimisión de Rosa Aguilar, exerceu o cargo de alcalde de Córdoba.[1]

Traxectoria política[editar | editar a fonte]

Diplomado en Maxisterio, coa especialidade de Xeografía e Historia. Residente en Córdoba desde fai tempo, comezou exercendo o seu labor como mestre no colexio do barrio de Las Moreras, para pouco a pouco ir migrando até dedicarse totalmente á política. Foi membro do Consello Local de Esquerda Unida en Córdoba así como membro do Consello Provincial. Tamén foi, canda outros (Julio Anguita, Félix Ortega etc), membro fundador do sindicato USTEA.

Obtivo a súa primeira acta de concelleiro no Concello de Córdoba en 1995. Durante esta lexislatura, 1995-1999, foi portavoz de IULV- CA na Deputación de Córdoba.

Repetiu nas eleccións de 1999 e formou parte do equipo de goberno municipal de Rosa Aguilar ocupando a Área de Infraestruturas, entre outras responsabilidades.

Entre os anos 2003 e 2007 é primeiro tenente de alcalde e delegado de Urbanismo así como presidente da Empresa Municipal de Vivendas (Vimcorsa) e de Procórdoba S.A, sendo elixido portavoz municipal do grupo de Esquerda Unida no Concello de Córdoba.

Tras as eleccións de 2007, mantén a súa acta de concelleiro, a delegación de Urbanismo e a presidencia da Xerencia Municipal de Urbanismo e de Procórdoba, sendo nomeado segundo tenente de alcalde.

O 7 de maio de 2009 é elixido alcalde de Córdoba, substituíndo a Rosa Aguilar, que renunciara o 23 de abril tras ser nomeada Conselleira de Obras Públicas da Junta de Andalucía.

Nas eleccións municipais celebradas o 22 de maio de 2011, e tras os resultados obtidos polo PP (maioría absoluta), presentou a súa renuncia de ser concelleiro anunciando a súa retirada da política institucional.

Notas[editar | editar a fonte]

Predecesor:
Rosa Aguilar
COA Córdoba, Spain.svg
Alcalde de Córdoba

2009-2011
Sucesor:
José Antonio Nieto