Ana Ulla
.jpg)  | |
| Biografía | |
|---|---|
| Nacemento | 1965 (60/61 anos) Vigo |
| Grupo étnico | Pobo galego |
| Educación | Universidade de La Laguna - Doutora en filosofía (–1993) |
| Actividade | |
| Ocupación | astrofísica |
| Empregador | Universidade de Vigo |
| Membro de | |
  | |
Ana María Ulla Miguel, nada en Vigo en 1965, é unha astrofísica galega, escritora e profesora na Universidade de Vigo.
Traxectoria
[editar | editar a fonte]Ana Ulla comezou a carreira de Física na Universidade de Santiago de Compostela, onde cursou os tres primeiros cursos,e logo especializouse en Astrofísica na Universidade de La Laguna, onde tamén realizou a súa formación doutoral.[1][2] Entre 1988 e 1995, ocupou diversos postos de investigación e docencia na Universidade de Tromsø (Noruega), o Laboratorio de Astrofísica Espacial e Física Fundamental (Madrid), a Axencia Espacial Europea (ESA), ou o Instituto Niels Bohr de Copenhague. Posteriormente, foi contratada posdoutoral no Instituto de Astrofísica das Canarias (IAC), traballando para o proxecto "Infared Space Observatory" da ESA.[1]
Desde 1997 é profesora do Departamento de Física Aplicada da Universidade de Vigo, sendo a investigadora principal do Grupo AS1 de Astronomía e Astrofísica da UVIGO dende a súa creación no ano 2005 ata outubro de 2017. Forma parte do equipo galego da misión Gaia, da Axencia Espacial Europea (ESA), na que participan máis de 450 científicos e enxeñeiros doutros 23 países co obxectivo de elaborar un mapa preciso en 3D da Vía Láctea.[3] Ademais, é integrante do padroado da Fundación Ceo, Ciencia e Cultura que xestiona o Observatorio Astronómico de Forcarei.[4]
Obra literaria e divulgativa
[editar | editar a fonte]Ademais da súa actividade investigadora no ámbito da astrofísica, Ana Ulla desenvolveu tamén unha faceta como autora e editora de obras de divulgación científica e literatura relacionadas coa astronomía, en lingua galega e castelán.
En 2009 participou como coautora na obra colectiva Contos e coplas de estrelas, editada pola Universidade de Vigo e polo Consello Superior de Investigacións Científicas (CSIC), na que contribuíu coa adaptación dun conto popular e con varias cancións relacionadas coa temática astronómica.[5]
En 2010 foi coautora do libro de divulgación científica La ciencia del cielo, publicado pola editorial ENOR e traducido ao portugués como A ciência do céu.[6]
En 2014 editou o libro de relatos Os contos da Astronomía na palleira, resultado dun obradoiro de astronomía organizado pola Universidade de Vigo, no que tamén participou como autora co conto A galaxia María.[7]
En decembro de 2015 publicou a súa primeira novela infantil, Desde el jardín, las estrellas, ilustrada por Rita Landeiro e editada polo Servizo de Publicacións da Universidade de Vigo.[4] A obra emprega unha narración de ficción para introducir nocións básicas de astronomía, astrofísica e bioloxía entre o público novo.[8][9]
Posteriormente publicouse unha edición anotada e ampliada da obra, acompañada de propostas de actividades educativas orientadas á divulgación científica e á aprendizaxe interdisciplinar.[10]
Publicacións seleccionadas
[editar | editar a fonte]- Contos e coplas de estrelas (2009), obra colectiva editada pola Universidade de Vigo e o CSIC.[11]
- La ciencia del cielo / A ciência do céu (2010), obra colectiva de divulgación científica publicada por ENOR.[11]
- Os contos da astronomía na palleira (2014), libro de relatos editado por Ana Ulla.[12]
- Desde el jardín, las estrellas (2015), novela infantil de divulgación científica.[13]
Recoñecementos
[editar | editar a fonte]En febreiro de 2014 recibiu, ex aequo con Minia Manteiga, o premio “Galega destacada 2013” concedido pola Asociación Diálogos 90.[14] Tamén foi galardoada co recoñecemento "Muller Científica 2020" que outorga o IES Val Miñor. [15]
Notas
[editar | editar a fonte]- 1 2 "Ana Ulla Miguel - Introducción a la Astronomía Visual y Fotográfica". sites.google.com. Arquivado dende o orixinal o 04 de setembro de 2020. Consultado o 2020-08-27.
- ↑ administrador. "Ana Ulla Miguel". Executivas. Consultado o 2020-08-27.
- ↑ Redacción (2016-09-14). "A misión Gaia obtén a primeira imaxe completa da Vía Láctea". GCiencia. Consultado o 2020-08-03.
- 1 2 "Ana Ulla Miguel". www.escritores.org. Consultado o 2020-08-27.
- ↑ ValmiñorTV, ed. (12-12-2017). "Ana Ulla fala sobre a astronomía de hoxe que fan as astrónomas galegas".
- ↑ ValmiñorTV (ed.). "Ana Ulla fala sobre a astronomía de hoxe que fan as astrónomas galegas".
- ↑ Ulla Miguel, Ana (2014). Os contos da astronomía na palleira. Universidade de Vigo. ISBN 9788481586435.
- ↑ Universidade de Vigo (ed.). "Desde el jardín, las estrellas. Edición anotada con propuesta de actividades y lectura".
- ↑ Sociedad Española de Astronomía (ed.). "Desde el jardín, las estrellas".
- ↑ Dialnet (ed.). "Desde el jardín, las estrellas. Edición anotada con propuesta de actividades y lectura".
- 1 2 ValmiñorTV (ed.). "Ana Ulla fala sobre a astronomía de hoxe que fan as astrónomas galegas".
- ↑ Ulla Miguel, Ana (2014). Os contos da astronomía na palleira. Universidade de Vigo. ISBN 9788481586435.
- ↑ Sociedad Española de Astronomía (ed.). "Desde el jardín, las estrellas".
- ↑ "Las astrofísicas del satélite Gaia se convierten en "Galegas Destacadas"". www.farodevigo.es. Consultado o 2020-08-27.
- ↑ "«Se non vemos as estrelas, non sabemos a onde pertencemos»". La Voz de Galicia (en castelán). 2020-03-14. Consultado o 2020-08-27.
Véxase tamén
[editar | editar a fonte]Ligazóns externas
[editar | editar a fonte]- Mulleres ninguneadas na Ciencia no programa Vivir Aquí da TVG
- Que facemos? A astrofísica e o Observatorio Astronómico de Forcarei
