Anápolis é unha cidade brasileira do estado de Goiás, a terceira en número de poboación. Sitúase a uns 54km de Goiânia e a 160km de Brasilia, coas que conecta por estrada.
Nota: Este gráfico xerouse automaticamente a partir de datos recollidos de Wikidata. Se precisa cambiar ou actualizar algún dos datos, fágao no propio Wikidata.
Anápolis posúe un expresivo parque industrial, con 760 establecementos, destacando as industrias farmacéuticas, químicas e agroindustria. O seu subsolo posúe depósitos de auga, minería de cromo, talco, gneis e micaxisto. A súa gandaría ten 867.000 bovinos e 77.830 suinos, e o seu comercio e servizos son compatíbeis cos dunha cidade do seu tamaño.
Anápolis á noite.
Para facilitar as exportacións a outros países, funciona na cidade un dos chamados portos secos, que consisten en grandes almacéns nos cales hai o acceso de funcionarios da Aduana brasileira. Estes funcionarios inspeccionan as mercadorías antes de poñelas en camións ou nos trens rumbo ós portos. Isto economiza tempo para as empresas nos trámites de exportación.
Pero Anápolis é máis coñecida por ser sede dunha base estratéxica da Forza Aérea Brasileira onde fican os xatos[Cómpre clarificar] do tipo Mirage III, de fabricación francesa, que son usados na defensa de Brasilia e do espazo aéreo brasileiro en misións de interceptación.[Cómpre referencia] Estes poden chegar aos puntos máis distantes do territorio brasileiro en pouco máis de dúas horas.
