Amos Bronson Alcott

Na Galipedia, a Wikipedia en galego.
Saltar ata a navegación Saltar á procura
Amos Bronson Alcott
Bronson Alcott from NYPL gallery.jpg
Nome completoAmos Bronson Alcott
Nacemento29 de novembro de 1799
 Wolcott
Falecemento4 de marzo de 1888
 Boston
SoterradoMassachusetts
NacionalidadeEstados Unidos de América
Ocupaciónpoeta, filósofo, mestre e escritor
CónxuxeAbby May
FillosAnna Alcott Pratt, Louisa May Alcott, Elizabeth Sewall Alcott e Abigail May Alcott Nieriker
editar datos en Wikidata ]

Amos Bronson Alcott, nado en Wolcott en 1799 e finado en Boston en 1888, foi un educador e escritor norteamericano.

Traxectoria[editar | editar a fonte]

Fillo de Joseph Chatfield Alcox, un agricultor e mecánico, os seus antepasados asentaran en Massachusetts occidental nos días da colonia levando o apelido Alcocke. Autodidacta, tivo que se poñer a traballar en 1814 nunha fábrica de reloxios en Plymouth, Connecticut e despois de 1815 viaxou ao sur dos Estados Unidos como vendedor de libros e mercadorías. Comeza a ensinar en Bristol, Connecticut en 1823, dirixe escolas en Cheshire, Connecticut, en Bristol, Bostón, Germantown e en Filadelfia. En 1830 casa con Abby May, irmán do reformador e abolicionista Samuel J May. En 1834 abre a Temple School en Boston que se fixo famosa polos seus orixinais métodos, baseada no autoanálise e no desexo de estimular a persoalidade do neno mediante a conversa, máis que na lectura. A escola foi denunciada na prensa e en 1839 pechou, pero Alcott gañou o cariño dos seus alumnos. En 1840 marchou a Concord, da súa visita a Inglaterra trae a intención de establecer unha comunidade utópica socialista que fracasa e en 1842 volve a Concord. Nos seus últimos anos de vida foi coidado pola súa filla Louisa May Alcott.

Obras[editar | editar a fonte]

  • Record of a school. 1835
  • Exempling the general principles 1835
  • Conversations with children 1836
  • Tablets (1868)
  • Concord Days (1872)
  • Sonnets and Canzonets (1882)