Alto o fogo de ETA de 2010-2011

Na Galipedia, a Wikipedia en galego.

O 5 de setembro de 2010, a organización terrorista vasca anunciou, nun comunicado á canle de televisión británica BBC,[1] a través dun vídeo, "un cesamento de accións armadas ofensivas", que foi entendido como un alto o fogo,[2][3] sen especificar o seu alcance, nin mencionar o acordo alcanzado por Eusko Alkartasuna e a esquerda abertzale, ilegalizada dous días antes para que ETA puxese fin á violencia definitivamente e entregase as armas,[3][4] ou as peticións por parte de diversos mediadores internacionais en marzo de 2010 por un alto o fogo.[5][6] O 18 de setembro, e a través do diario Gara, ETA emitiu un novo comunicado no que pedía aos mediadores internacionais da chamada Declaración de Bruxelas a súa participación no proceso, ao tempo que instaba a Francia e España a negociar. Unha semana despois declaraba que sería posíbel un alto o fogo "permanente e verificábel" de cumprirse as condicións que sinalara.[7][8]

Catro meses despois da primeira declaración, ETA anunciou o 10 de xaneiro de 2011 a súa decisión de declarar "un alto o fogo permanente, xeral e verificábel" [9][10] nun novo comunicado que foi acollido con escepticismo polo goberno español e a maioría das forzas políticas,[11] e en marzo dese mesmo ano mostrouse disposta a unha "verificación informal" do alto o fogo.[12] O 20 de outubro de 2011, tres días despois da celebración da Conferencia Internacional de Paz de San Sebastián,[13] na que se lle pedía unha declaración neses termos,[14]

ETA anunciou "o cesamento definitivo da actividade armada" nun comunicado no que tamén fixo "un chamamento aos gobernos de España e Francia para abrir un proceso de diálogo directo" destinado a solucionar "as consecuencias do conflito".[15]

Á altura do alto o fogo de setembro de 2010, ETA tiña acumulados un total de 829 asasinatos e 84 secuestros.[16] O último atentado mortal en España fora trece meses antes, o 30 de xullo de 2009 en Mallorca, co asasinato de dous gardias civís. O último asasinato, porén, tivera lugar o 16 de marzo de 2010 en Francia, coa morte dun policía francés nun tiroteo entre as forzas de seguridade e os etarras.[17]

Tanto o Goberno de España, como o Goberno Vasco, e os grupos parlamentarios no Congreso dos Deputados, manifestaron o sue escepticismo e decepción polo anuncio de ETA, ao consideralo insuficiente. Todos eles reflectiron que o que se esperaba de ETA era que abandoase as armas dunha vez e para sempre.[18][19][20] Porén, por parte da ilegalizada Batasuna, defendeuse a posición de ETA como unha oportunidade de alto valor para superar o chamado "conflito vasco".[21]

Notas[editar | editar a fonte]

  1. Spain's Eta 'declares ceasefire', BBC, 5 de setembro de 2010.
  2. Declaración de ETA, Diario El País (España), 5 de setembro de 2010.
  3. 3,0 3,1 ETA anuncia un alto el fuego, Diario El País (España), 5 de setembro de 2010.
  4. Ambas formaciones han elaborado un documento en el que fijan las condiciones para abordar un proceso de final de la violencia. Los responsables antiterroristas consideran "totalmente insuficiente" una tregua y subrayan que sólo sería "creíble" la entrega de armas, Diario El País (España), 3 de setembro de 2010.
  5. Mediadores en conflictos internacionales piden a ETA un alto el fuego supervisado, Diario El Mundo (España), 29 de marzo de 2010.
  6. Currin lidera una declaración a favor de la solución del 'conflicto vasco', Diario El Mundo (España), 26 de marzo de 2010.
  7. Mediadores en conflictos y políticos irlandeses piden a ETA un alto el fuego Diario El País (España), 23 de marzo de 2010.
  8. ETA se dice dispuesta a "ir más lejos de un alto el fuego", pero con condiciones Diario El País (España), 26 de setembro de 2010.
  9. [1] Diario El País (España), 10 de xaneiro de 2011.
  10. ETA anuncia un alto el fuego "permanente, general y verificable" Diario El País (España), 10 de xaneiro de 2011.
  11. Cospedal: "Es una pausa, no una renuncia" Diario El País (España), 10 de xaneiro de 2011.
  12. ETA se muestra dispuesta a una verificación "informal" de su tregua Diario El País (España), 23 de marzo de 2011.
  13. Los principales protagonistas de la conferencia de paz en San Sebastián, Diario El País (España), 17 de outubro de 2011.
  14. La Conferencia de Paz pide a ETA una declaración de cese definitivo de la violencia, Diario Vasco, 17 de outubro de 2011.
  15. "ETA anuncia el cese definitivo de su actividad armada". Gara. 20 de outubro de 2011. 
  16. 11 anuncios de cese de la violencia y 829 víctimas Diario El País (España), 5 de setembro de 20109.
  17. ETA, debilitada, anuncia un alto el fuego tras 13 meses sin asesinatos en España, 20minutos, 5 de setembro de 2010.
  18. 20minutos
  19. Un alto el fuego por dosis Diario El País (España), 5 de setembro de 2010.
  20. El Gobierno expresa cautela ante el anuncio etarra y los partidos lo ven insuficiente Diario El País (España), 5 de setembro de 2010.
  21. La izquierda 'abertzale' asegura que el anuncio de ETA tiene un "valor incuestionable para la paz" Diario El País (España), 5 de setembro de 2010.