Aljos Farjon

Na Galipedia, a Wikipedia en galego.
Saltar ata a navegación Saltar á procura
Aljos Farjon
Nacemento1946
NacionalidadeReino dos Países Baixos
Alma máterUniversidade de Utrecht
Ocupaciónbotánico, taxonomista e ilustrador
editar datos en Wikidata ]

Aljos Farjon, nado en 1946, é un botánico e artista ilustrador neerlandés, que está considerado como o taxónomo máis importante do mundo das coníferas.

Traxectoria[editar | editar a fonte]

Obtivo a licenciatura en bioloxía pola Universidade de Utrecht.[1] Entre 1996 e 2006 foi botánico activo investigador no herbario do Real Xardín Botánico de Kew, dedicándose a investigacións, principalmente das especies de ximnospermas da subclase das coníferas.

Actualmente é investigador asociado honorario de Kew, e colaborador habitual de revistas científicas botánicas.

Publicou once textos ricamente ilustrados cos seus propios debuxos.

Desde 1995 Aljos Farjon ocupa o cargo de presidente do grupo de especialistas en coníferas da Unión Internacional para a Conservación da Natureza e dos Recursos Naturais. O seu proxecto máis recente, xa concluído, foi avaliar todas as coníferas con datos deficientes (DD) (un 10 % do número total de taxons por debaixo do xénero, un total de 80 especies, subespecies e variedades). Como resultado, sesenta destes taxons teñen agora completa información na UICN, e só 20 seguen a ser DD.[2]

Ademais do seu interese nas coníferas, Farjon está interesado tamén na evolución, taxonomía e ecoloxía das ximnospermas.[3]

No seu tempo libre, Farjon goza das viaxes na natureza, da fotografía, da historia europea e lendo non ficción.[3]

Algunhas publicacións[editar | editar a fonte]

  • Pines: Drawings and Descriptions of the Genus Pinus (1984). Leiden: E. J. Brill. ISBN 9-0040-7068-0. (2ª ed. Brill Academic Publ., 2005, ISBN 9-0041-3916-8.)
  • A bibliography of conifers: selected literature on taxonomy and related disciplines of the Coniferales (2005). 2ª ed. ilustrada. Richmond, Gran Londres, Royal Botanic Gardens Kew.
  • Regnum Vegetabile: A Guide to the Location and Contents of the World's Public Herbaria... A bibliography of conifers: selected literature on taxonomy and related disciplines of the coniferales (1990). Vol. 122. Oberreifenberg, Alemaña: Koeltz. ISBN 3-8742-9306-8.
  • Pinaceae, Drawings and Descriptions of the Genera Abies, Cedrus, Pseudolarix, Keteleeria, Nothotsuga, Tsuga, Cathaya, Pseudotsuga, Larix and Picea (1990). Regnum Vegetabile 121. Köningstein, Namibia: Koeltz Scientific Books. ISBN 3-8742-9298-3.
  • Pinus (Pinaceae) (1997), en Flora Neotropica, Monograph 75. New York: The New York Bot. Garden. ISBN 0-8932-7411-9.
  • World Checklist and Bibliography of Conifers (1998). Kew Publishing. ISBN 1-8424-6025-0.
  • Pinus (Pinaceae). Flora Neotropica 75 Monograph Series (1999). Organization for Flora Neotropica. ISBN 0-8932-7411-9.
  • Conifers: Status Survey and Conservation Action Plan (1999). Iucn/Ssc Action Plans for the Conservation of Biological Diversity. Ed. ilustrada da IUCN. ISBN 2-8317-0465-0. Ler en liña.
  • A Bibliography of Conifers (2005), 2ª ed. Kew Publ. ISBN 1-8424-6120-6.
  • A monograph of Cupressaceae and Sciadopitys (2005). Ed. ilustrada. Royal Botanic Gardens, Kew ISBN 1-8424-6068-4.
  • Pines: drawings and descriptions of the genus Pinus (2005). 2ª ed. ilustrada. Leiden: Koninklijke Brill. ISBN 978-9-0040-7068-4.
  • A Natural History of Conifers (2008). Portland, Oregon, USA: Timber Press. ISBN 978-0-8819-2869-3.
  • A handbook of the world's conifers (2010). 2 vols. Leiden: Koninklijke Brill. ISBN 978-9-0474-3062-9.

Honores[editar | editar a fonte]

É membro da Sociedade linneana de Londres e da Royal Horticultural Society de Londres.

Abreviatura[editar | editar a fonte]

A abreviatura Farjon emprégase para recoñecer a Aljos Farjon como autoridade na descrición e clasificación científica en botánica.

Notas[editar | editar a fonte]

  1. Ficha en Kew.
  2. Conifer Specialist Group chair: Aljos Farjon en SSC Specialist Group da UICN.
  3. 3,0 3,1 Aljos Farjon en Timber Press.

Véxase tamén[editar | editar a fonte]

Ligzóns externas[editar | editar a fonte]