Albóndegas ao estilo sueco.Prato de albóndegas chinesas.
Unha albóndega[1] e unha bóla de carne picada mesturada con ovos e diversos condimentos, tales como perexil, comiño etc. A albóndega é tan popular nas diferentes gastronomías e ten tantas receitas que resulta ser un hiperónimo acerca dun alimento.
A palabra albóndega é un termo procedente do árabeal-bunduqa = a bóla. Os árabes ensinaron aos europeos a preparar este guiso de bólas de carne. O historiador granadino Luis del Mármol documenta o termo na súa Descrición xeral de África (1573): "Venden fideos, almojábanas e albóndegas feitas de carne picada con especias e fritas en aceite".
No Brasil, as albóndegas chámanse “almôndegas” e sérvense xeralmente con espagueti.
Nos Estados Unidos, as albóndegas sérvense comunmente con espaguete como é o caso dos "spaghetti and meatballs", un prato fundamental na cociña americano-italiana. Neste caso, as albóndegas son xeralmente de gran tamaño.
Na China as albóndegas fanse de porco, e xeralmente cócense ao vapor ou férvense. Pódense comer crúas, ou con salsa de soia. As ditas albóndegas poden variar de tamaño e ser dende de cerca de 5 centímetros de diámetro a uns 10 centímetros. Hai un tipo de albóndegas de forma plana cocidas ao vapor que se denominan cabeza do león. As variedades máis pequenas utilízanse en sopas.
Na Indonesia, as albóndegas chámanse “bakso” e sérvense xeralmente nunha cunca xunto cunha sopa, ou cos tallaríns, con queixo de soia, ovos, “siomay”, ou carne fritida.
No Xapón consómense como un filete de hamburguesa cuxos ingredientes son moi similares ao "hanbāgu".
