Alberto Martín Gamero
Alberto Martín Gamero, nado en San Martín de Montalbán (Toledo) o 5 de maio de 1915 e finado en Madrid o 11 de decembro de 1990, foi un notario e político falanxista español.
Traxectoria
[editar | editar a fonte]Delegado do SEU na Facultade de Dereito de Madrid en 1935, Camisa vieja membro de Falange Española de las JONS,[1] estivo no interior do Alcázar de Toledo durante o asedio ao inicio da guerra civil.[2] Combateu no bando sublevado como alférez provisional.[2] Ao remate da guerra foi xefe provincial de FET y de las JONS de Toledo.[1] Durante a segunda guerra mundial, marchou como voluntario da División Azul á fronte oriental en 1941.[2] Volveu logo de seis meses condecorado coa Cruz de Ferro de segunda clase.[3]
Foi gobernador civil de Soria (novembro de 1944 a marzo de 1946) e de Logroño (marzo de 1946 a febreiro de 1956). A principios de febreiro de 1956 foi nomeado gobernador civil de Pontevedra.[4] A mediados dese mes de febreiro foi nomeado Delegado Nacional de Información de FET y de las JONS.[5] Permaneceu no cargo de gobernador civil de Pontevedra até principios de abril, cando foi substituído por Rafael Fernández Martínez.[6]
Foi procurador nas Cortes franquistas, como conselleiro nacional, entre 1956 e 1964. Desempeñou os cargos de inspector xeral económico-administrativo do Ministerio da Vivenda, secretario xeral técnico do Ministerio da Vivenda, inspector xeral do Ministerio da Vivenda e Inspector Nacional do Ministerio da Vivienda.
Notas
[editar | editar a fonte]- ↑ 1,0 1,1 González Madrid 2006.
- ↑ 2,0 2,1 2,2 Vallet de Goytisolo 1991, p. 272.
- ↑ "El jefe provincial de la Falange de Toledo, camarada Martín Gamero, soldado de la División Azul, relata sus impresiones del frente". ABC (Madrid): 12. 20 de decembro de 1941.
- ↑ El Pueblo Gallego, 3-2-1956, p. 1.
- ↑ La Noche, 18-2-1956, p. 5.
- ↑ El Pueblo Gallego, 10-4-1956, p. 1.
Véxase tamén
[editar | editar a fonte]Bibliografía
[editar | editar a fonte]- González Madrid, Damián A. (2006). (versión digital publicada por el Seminario de Estudios de Franquismo y Transición. "Sin novedad en el Alcázar. El triunfo de la reacción en Toledo, 1936-1945" (PDF). VI Encuentro de Investigadores sobre el Franquismo (Zaragoza). Arquivado dende o orixinal (PDF) o 24 de setembro de 2017. Consultado o 8 de febreiro de 2022.
- Ponce Alberca, Julio (2016). "Los gobernadores civiles en el primer franquismo". Hispania. Revista Española de Historia (Madrid: Consejo Superior de Investigaciones Científicas) 76 (252): 245–271. ISSN 0018-2141. doi:10.3989/hispania.2016.009.
- Rodríguez Jiménez, José Luis (1994). Reaccionarios y golpistas: la extrema derecha en España: del tardofranquismo a la consolidación de la democracia, 1967-1982. Madrid: Consejo Superior de Investigaciones Científicas. ISBN 84-00-07442-4.
- San Román Cutanda, José María (2014). "Biografías monteñas. Alberto Martín Gamero" (PDF). Revista de Estudios Monteños (Toledo: Asociación Cultural Montes de Toledo) (146): 15–20. ISSN 2341-328X. Arquivado dende o orixinal (PDF) o 24 de setembro de 2017.
- Vallet de Goytisolo, Juan (1991). "In Memoriam. Alberto Martín Gamero" (PDF). Verbo (Madrid: Fundación Speiro) XXX (291-292): 272. ISSN 0210-4784.
