Akihiko Hoshide

Na Galipedia, a Wikipedia en galego.
Akihiko Hoshide
Akihiko Hoshide 2012.jpg
Hoshide no 2012
Nacemento 28 de decembro de 1968 (48 anos)
Lugar Setagaya, Toquio, Flag of Japan.svg Xapón
Nacionalidade Xaponés
Alma máter Universidade de Houston e Universidade Keio
Ocupación Astronauta, enxeñeiro
editar datos en Wikidata ]

Akihiko Hoshide (星出 彰彦 Hoshide Akihiko?), nado en Setagaya, Toquio o 28 de decembro de 1968, é un enxeñeiro e astronauta xaponés da JAXA. O 30 de agosto de 2012, Hoshide converteuse no terceiro astronauta xaponés en camiñar no espazo.[1]

Carreira de astronauta[editar | editar a fonte]

Hoshide tirando unha foto no espazo nunha actividade extravehicular (EVA) o 5 de setembro de 2012, co So nas costas.

En febreiro de 1999, Hoshide foi seleccionado pola NASDA (hoxe JAXA) como un dos tres astronautas xaponeses candidatos da Estación Espacial Internacional (EEI). Comezou o programa de adestramento básico da EEI en abril de 1999 e converteuse en astronauta en xaneiro de 2001. Dende abril de 2001, participou no adestramento avanzado da EEI, e ademais colaborou no desenvolvemento do sistema de hardware do Módulo Experimental Xaponés Kibō e no vehículo de transferencia H-II (VTH).

En maio de 2004, completou o seu adestramento como enxeñeiro de voo da Soyuz-TMA no Centro de Adestramento de Cosmonautas Yuri Gagarin en Star City, Rusia, e despois trasladouse ó Centro Espacial Lyndon B. Johnson. Asemade, completou o adestramento de candidato a astronauta da NASA e foi asignado á tripulación do STS-124, o segundo dos tres voos que lanzaron compoñentes á Estación Espacial Internacional para completar o laboratorio Kibō en maio de 2008.

Despois de regresar á Terra STS-124, Hoshide dedicouse a dar charlas a estudantes sobre a súa misión espacial. Visitou colexios como o Assumption St. Bridget School e o Instituto Thomas Jefferson de Ciencia e Tecnoloxía.

Posteriormente volvería á Estación Espacial Internacional o 15 de xullo de 2012 na Soyuz TMA-05M. Durante a súa estadía, grabou a primeira actuación de voz no espazo para un cameo no episodio 31 da serie de animación Space Brothers, que se estreou o 4 de novembro de 2012.[2][3]

O seu selfie espacial de 2012 converteuse no máis famoso dos listados no 2013.[4][5]

Notas[editar | editar a fonte]

  1. William Harwood (30 de agosto de 2012). "Spacewalkers run into major snag replacing power unit". Spaceflight Now. Consultado o 1 de setembro de 2012. 
  2. "Astronaut Hoshide to Record Space Brothers Cameo from Space". Anime News Network. 14 de xullo de 2012. Consultado o 30 de agosto de 2012. 
  3. "Astronaut Successfully Dubs Space Brothers Anime From Space". Anime News Network. 8 de outubro de 2012. Consultado o 11 de outubro de 2012. 
  4. "Seven of the best selfies you will see today: As selfie is named word of the year, we round up seven of the best". Metro. 19 de decembro de 2013. Consultado o 27 de decembro de 2013. 
  5. "Obama caught snapping 'funeral selfie': Craziest selfies of all time". NY Daily News. Consultado o 27 de decembro de 2013. 

Véxase tamén[editar | editar a fonte]

Ligazóns externas[editar | editar a fonte]