Agustín Fernández Albor

Na Galipedia, a Wikipedia en galego.
Saltar ata a navegación Saltar á procura
Agustín Fernández Albor
Nacemento27 de outubro de 1929
 Santiago de Compostela
Falecemento6 de outubro de 1987
 Santiago de Compostela
NacionalidadeEspaña
Alma máterUniversidade de Santiago de Compostela
Ocupaciónxurista e catedrático de universidade
IrmánsXerardo Fernández Albor
editar datos en Wikidata ]

Agustín Fernández Albor, nado en Santiago de Compostela o 27 de outubro de 1929, e finado na mesma vila o 6 de outubro de 1987, foi un xurista e catedrático galego, especialista en dereito penal.

Traxectoria[editar | editar a fonte]

Cursou a Licenciatura de Dereito na Universidade de Santiago de Compostela e no curso académico 1957/58 foi nomeado Profesor axudante de Dereito Penal nesta Universidade.

En 1960 obtivo o título de Doutor pola USC coa cualificación de "Sobresaínte cum laude" pola defensa da súa Tese “Contribución al estudio de la diferenciación dogmático entre homicidio y asesinato” que despois sería Premio Extraordinario.

No ano 1961, mediante concurso oposición acadou a categoría de Profesor Adxunto de Dereito Penal, en 1963 profesor agregado de Cátedra e en 1968 Profesor Agregado provisional. En 1969 obtén a praza de Profesor Agregado de Dereito Penal e finalmente en1971 é nomeado Catedrático de Dereito Penal pola Universidade de Santiago.

Nesta Universidade foi Secretario de Publicacións, Intercambio Científico e Extensión Universitaria, Secretario da Facultade de Dereito de Santiago de Compostela, Vicedecano da Facultade, Vicerreitor da Universidade durante 6 anos e Director do Departamento de Dereito Penal e do Instituto de Criminoloxía

Realizou viaxes de estudos por Bélxica, Francia e Portugal en 1958, antiga Iugoslavia, Francia, Austria e Italia onde ampliou estudos con Prof, C. Pedrazzi no ano 1963, cursou estudos co Prof M. Ancel en París e diplomouse en Dereito Comparado en Estrasburgo.

Foi membro da Asociación Internacional de Dereito Comparado, da Comisión nacional española para a redacción do Código Penal tipo para Latino América e da Asociación Internacional de Dereito Penal.

Académico de número da Academia Galega de Xurisprudencia e Lexislación e membro do Instituto de Ciencias Criminolóxicas da Universidade Complutense de Madrid.

Cabe destacar a súa obra “Homicido y asesinato” e os seus traballos sobre a delincuencia xuvenil, sobre a problemática do consumo e tráfico de drogas e sobre a delincuencia económica nas súas formas tradicionais e nas máis complexas e sofisticadas. Foi irmán do médico e político Xerardo Fernández Albor.

Obras[editar | editar a fonte]

  • Homicido y asesinato (1964)
  • Normativismo e institucionalismo en derecho penal (1965)
  • Aportación al estudio comparado de los sistemas penales europeos (1966)
  • Circa il cossidetto “delitto d’onore” (1966)
  • El daño moral en los delitos contra el honor (1967)
  • El agio arrendaticio (1969)
  • Delincuencia juvenil (1973)
  • Estudios sobre criminalidad económica (1978)
  • Delincuencia y economía (1983)

Recoñecementos[editar | editar a fonte]

  • Medalla de las Ciencias Penales y Criminológicas del Instituto de Criminología de la Universidad Complutense de Madrid en 1981.
  • Insignia de Ouro da Universidade de Santiago en 1984.

Véxase tamén[editar | editar a fonte]

Ligazóns externas[editar | editar a fonte]