Acis autumnalis

Acis autumnalis é unha especie de planta bulbosa pertencente á familia das amarilidáceas.

Detalle das flores

Descrición

Herba perenne a través de bulbos. Talos floríferos sen follas de 7-15(-25) cm de altura. Follas filiformes, de 12-16 cm de lonxitude, que aparecen durante ou pouco despois da floración. Flores en número de 1 a 3, dispostas nunha umbela que está protexida por unha bráctea membranosa (espata); as flores son acampanadas, constituídas por 6 pezas periánticas de cor branca, de 9-14 mm; 6 estames incluídos no periantio; ovario situado en posición inferior con relación ao resto das pezas florais. Froito en cápsula. Florece desde finais de verán e no outono.

Hábitat

En prados, chans arenosos e ácidos.

Distribución

Centro e oeste da Península Ibérica.

Taxonomía

Acis autumnalis foi descrita por (Carl von Linné) Robert Sweet e publicada en The British Flower Garden, . . . 3: t. 297, no ano 1829.

Citoloxía

Número de cromosomas de Acis autumnalis (Fam. Amaryllidaceae) e taxóns infraespecíficos: 2n=14

Sinonimia

• Acis oporantha Jord. & Fourr.
• Acis pulchella Jord. & Fourr.
• Leucojum auctumnale J.F.Gmel.
• Leucojum autumnale L. basónimo
• Ruminia hyemalis Parl.

Véxase tamén

Outros artigos

• Terminoloxía descritiva das plantas
• Historia da Botánica
• Características das amarillidáceas