Abraham Gerpe
| Biografía | |
|---|---|
| Nacemento | 1991  (32/33 anos)Lume de Suso, España |
 Alcalde de Coristanco | |
| 2017 – 2019 ← Amancio Lavandeira | |
| Actividade | |
| Ocupación | político, enxeñeiro civil |
Abraham Gerpe Muñiz, nado en Lume de Suso (Santa Baia de Castro) en 1991, é un político galego, que chegou a ser alcalde independente de Coristanco.
Traxectoria
[editar | editar a fonte]Enxeñeiro de obras públicas e enxeñeiro civil, ao rematar os estudos presentouse como cabeza de lista polo PSdeG ás eleccións municipais 2015 de Coristanco, e resultou escollido como único concelleiro socialista. Apoiou a elección como alcalde do candidato de TeGa, Amancio Lavandeira, xunto coa concelleira do BNG, pasando a formar parte do goberno ocupándose da concellería de Obras e Urbanismo[1].
En xuño de 2016 renunciou ao seu posto no goberno, aducindo á crítica situación económica pola que pasaba o concello[2]. En agosto de 2017 presentou unha moción de censura apoiada polo PPdeG, polo que pasou a ser o alcalde. Gerpe e os concelleiros populares foron expulsados das súas formacións políticas e formaron grupo de goberno independente[3]. Gerpe estivo de baixa durante varios meses do seu mandato, por accidentes de tráfico e despois por casar[4]. Tamén viu como o seu equipo de goberno rompía a un ano das eleccións, ao dimitirlle o antigo alcalde, Antonio Pensado (expulsado do PP trala moción de censura).
Nas eleccións municipais de 2019 encabezou a candidatura de Contigo Coristanco, brazo local do partido Contigo Somos Democracia, mais tan só acadou 1 concelleiro e a alcaldía pasou a Juan Carlos García Pose do PPdeG[5], formando parte da oposición. Nas municipais de 2023 non presentou candidatura e abandonou a primeira liña política.
| Predecesor: Amancio Lavandeira |
Alcalde de Coristanco 2017 - 2019 |
Sucesor: Juan Carlos García Pose |
Notas
[editar | editar a fonte]- ↑ Lugo, El Progreso de (2017-08-08). "Abraham Gerpe será el alcalde más joven de Galicia tras una moción de censura en Coristanco". El Progreso de Lugo (en castelán). Consultado o 2019-01-09.
- ↑ Un edil socialista de Coristanco renuncia a 108.000 euros «ante a situación crítica do Concello»
- ↑ Pontevedra, Diario de (2017-08-30). "Abraham Gerpe: "La primera decisión que tomaré será pagar la factura del teléfono para que el Concello tenga línea"". Diario de Pontevedra (en castelán). Consultado o 2019-01-09.
- ↑ "La boda de Abraham Gerpe hace alcaldesa a Clarisa Couto". La Voz de Galicia (en castelán). 2018-10-12. Consultado o 2019-01-09.
- ↑ Concello de Coristanco na FEGAMP