A torre do elefante

Na Galipedia, a Wikipedia en galego.
Saltar ata a navegación Saltar á procura

A torre do elefante
Título orixinalThe Tower of the Elephant
Autor/aRobert E. Howard
OrixeEstados Unidos
LinguaInglés
ColecciónConan o bárbaro
Tema(s)Fantasía
Xénero(s)Conto
EditorialFlag of the United States.svg Rural Publishing Corporation
Galicia Urco Editora
Data de pub.Flag of the United States.svg marzo de 1933
Galicia 2011
FormatoTapas duras e brandas
ISBNISBN 978-84-938558-3-3
TraduciónTomás González Ahola

A torre do elefante (titulado orixinalmente en inglés The Tower of the Elephant) é un dos relatos protagonizados polo personaxe de ficción Conan o Cimerio. Foi escrito polo autor pulp estadounidense Robert E. Howard e está ambientado na mítica Era Hiboria, un universo de ficción de espada e bruxaría tamén creado por Howard. Este relato constitúe a primeira gran aventura da vida do cimerio, un clásico a miúdo citado tanto por Howard como polos seus estudiosos como uno dos mellores relatos de Conan.

Foi traducido ó galego por Tomás González Ahola e foi publicado dentro da colección "Conan I" de Urco Editora no ano 2011.[1]

Trama[editar | editar a fonte]

A historia desenvólvese na cidade de Zamora, chamada por algúns Arenjun, ou a Cidade dos Ladróns. No texto orixinal de Howard nunca chamou á cidade Arenjun - isto foi engadido por Lyon Sprague de Camp na súa introdución á historia.

Un mozo Conan está a beber nunha taberna cando oe por casualidade describir unha fabulosa xoia chamada o «Corazón do Elefante». A xoia está custodiada, nunha torre do mesmo nome, por un malvado bruxo chamado Yara. Cando Conan tenta sacarlle ó home máis información, prodúcese unha pelexa. A medida que comezan a pelexar, unha vela é derrubada polos espectadores desconcertados afundindo a taberna na escuridade. Na confusión resultante, Conan mata o home e escapa polas rúas da cidade.

Despois desta pelexa de taberna, o cimerio disponse a roubar a xoia mencionada e crúzase no camiño de Taurus de Nemedia, coñecido como o «príncipe dos ladróns», que conta con propósitos semellantes. Os dous ladróns comprométense a traballar xuntos e, despois de loitar contra uns leóns nos xardíns da torre, escalan dita torre lendaria. Ó chegar ó cumio, Tauro morre pola mordedura velenosa dunha xigantesca araña que Conan á súa vez mata nunha batalla frenética.

Notas[editar | editar a fonte]

  1. Urco Editora (ed.). "Conan I en Urco Editora". Consultado o 9 de outubro de 2018.