Óscar de Souto

Óscar de Souto

Biografía
Nacemento	23 de setembro de 1980 (43 anos) Cabana de Bergantiños, España
Datos persoais
País de nacionalidade	España
Actividade
Ocupación	poeta
Lingua	Lingua galega

Óscar de Souto, nado en Cabana de Bergantiños o 23 de setembro de 1980, é un escritor galego.

Traxectoria

Reside en Arteixo dende o ano 1999. Colaborador de varias publicacións periódicas, como a revista Xente Nova (1995-1999), Airiños (2000-2009), El Periódico de Arteixo (2006-2010), e membro fundador da Organización Literario-Cultural Amencer, de Arteixo, e vicepresidente xove da Asociación Don Bosco da Coruña (2006-2010). En decembro de 2007 expón no Centro Cívico de Arteixo xunto á pintora uruguaia Ana Novo a obra Mnemosyne, a voz da imaxe, onde se fusionan poesía e pintura abstracta. Desa obra xorden os dous primeiros recitais poéticos coa Organización Literario-Cultural Amencer (OLCA).

Participou no xurado do Concurso Literario Manuel Murguía de 2008, así como en recitais de poesía en toda Galicia.

Obra en galego

Poesía

• Máis alá de min!, 2007, publicada en Internet.^{[Ligazón morta]}
• Bitácora poética, 2008, publicada en Internet.
• Destino de vinganza, 2008, publicada en Internet.^{[Ligazón morta]}
• En ausencia, 2008, publicada en Internet.^{[Ligazón morta]}
• Laios d'alma, 2012.

Ten pendentes de publicación os libros Lembranzas e Terra (2006).

• Carbón querubín , publicado en 2019, poesía en galego.

Narrativa

• Río arriba, 2008, publicado en Internet.^{[Ligazón morta]}

Traducións

• Se lo dije a la noche/Díxenllo á noite, de Juan Carlos García Hoyuelos, 2011.
• Aire, fuego y deseo/Aire, lume e desexo, de Juan Carlos García Hoyuelos, 2016.

Obras colectivas

• Latexos, obra poética.
• O lobo, unha carreira por sobrevivir, ADEGA.
• Versus, 2012, O. L. C. A. Poesía.

Obra en castelán

Poesía

• Mi pretexto, 2007.

Ten pendente de publicación o libro Sentir (2006).

Premios

• Accésit de poesía do II Concurso Rita Suárez Amado no 2007, por Mi pretexto.
• Accésit de poesía do III Concurso Rita Suárez Amado no 2008, por En ausencia.
• Varios galardóns nos Concursos Literarios Don Bosco dende 1995 ao 2000.

Véxase tamén

Ligazóns externas

• Óscar de Souto na páxina web da Asociación de Escritoras e Escritores en Lingua Galega.
• Trece poemas, blog do autor.
• Óscar de Souto, blog do autor.