Unión Progreso y Democracia

---

Este artigo sobre política é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---

Unión Progreso y Democracia
Historia
Fundación	septiembre de 2007
Posicións políticas
Ideoloxía	constitucionalismo, laicismo, no nacionalismo, progresismo
Outros datos
Sede	Avenida de Viñuelas nº23, 1ºA, 28760, Tres Cantos, Madrid
Na rede
http://www.upyd.es

Unión Progreso y Democracia (en galego Unión Progreso e Democracia) (coñecido como UPD, segundo os seus estatutos UPyD), fundado en 2007, é un partido político español. Foi inscrito no rexistro de partidos do Ministerio do Interior o 6 de setembro de 2007. Entre os seus promotores atópanse a ex dirixente do PSE-PSOE Rosa Díez, o catedrático Mikel Buesa e os filósofos Carlos Martínez Gorriarán e Fernando Savater.

Orixe

O sábado 19 de maio de 2007 45 persoas reuníronse en San Sebastián co obxectivo de debater a creación dun novo partido político que fixese fronte aos dous principais partidos a nivel nacional: o PP e o PSOE. A maioría dos presentes eran vascos, moitos deles políticos, sindicalistas e do movemento asociativo, en moitos casos procedentes do ámbito da esquerda, pero tamén de tradición liberal. Tomaron a decisión de poñer en marcha un proxecto cidadán, social e político a nivel estatal.

Para iso crearon unha asociación, Plataforma Pro, para xuntar xente e definir un programa, que despois foi expóndose en distintas charlas de presentación por toda España. Entre os membros ou colaboradores atopábanse o filósofo Fernando Savater, o portavoz de ¡Basta Ya!, Carlos Martínez Gorriarán (que era o coordinador da plataforma), ou a eurodeputada socialista Rosa Díez. Esta última, anunciou o seu abandono das filas do PSOE en agosto de 2007 para involucrarse no proxecto. Outros grupos que manifestaron o seu apoio á Plataforma foron o partido Ciutadans - Partido de la Ciudadanía, en especial os seus membros Arcadi Espada, Albert Boadella e Xavier Pericay, e mais a Asociación ¡Basta Ya!. A mediados de setembro de 2007, o ata entón presidente do Foro Ermua Mikel Buesa anunciou o seu propósito de participar no partido político.

Finalmente, nun acto público de presentación o 29 de setembro de 2007 no Teatro-Auditorio da Casa de Campo de Madrid quedou constituído o novo partido Unión, Progreso y Democracia. No acto interviñeron o dramaturgo Albert Boadella, o filósofo Fernando Savater, o escritor Mario Vargas Llosa e Rosa Díez, pero tamén contou coa presenza do xornalista Arcadi Espada, a antropóloga Teresa Giménez Barbat e o antropólogo Félix Pérez Romera (os tres membros promotores de Ciutadans), o historiador Antonio Elorza, o pintor Agustín Ibarrola e o ex dirixente do Foro de Ermua Mikel Buesa, o filósofo Carlos Martínez Gorriarán, os deputados de Ciutadans Albert Rivera e Antonio Robles, o catedrático de Filosofía Política e Moral da Universidade do País Vasco Aurelio Arteta, o escritor peruano Fernando Iwasaki, o ex secretario xeral da UGT Nicolás Redondo e o deputado autonómico vasco do Partido Popular Fernando Maura. Este último finalmente incoroporouse á UPyD o día 6 de novembro de 2007, pasando a formar parte do seu Consello de Dirección. O escritor Álvaro Pombo e o deportista Álvaro de Marichalar tamén manifestaron o seu apoio a UPyD.

Ideoloxía

Son obxectivos de UPD:

• a loita contra ETA;
• a rexeneración da democracia en España;
• a oposición aos nacionalismos periféricos;
• a reforma da Constitución para reforzar as liberdades cidadás.

Situación en Galicia

A finais de novembro de 2007 presentouse o partido en Galicia. Nese primeiro momento estiveron vencellados a el o profesor da Universidade de Santiago Roberto Blanco Valdés, os médicos Luís Pérez Llano e Ildefonso Cejudo ou o ex-concelleiro do PSOE en Ames, Rudy Lamas. O seu coordinador en Galicia é Antonio Cascón.

En Cataluña é unha figura destacada do partido o galego Luís Bouza-Brey.