William Newton (político)

Porta que conduce aos xardíns de Elveden Hall, residencia de W. Newton en Suffolk.

William Newton, nado contra 1783 e finado o 4 de novembro de 1862 foi un político inglés.

Traxectoria

William Newton era fillo de Samuel (ou James) Newton, un acomodado propietario dono dunha plantación de azucre no Caribe en Saint Kitts, e unha propiedade en Santa Cruz.

Nacera en Stowey, Somerset, e educouse en Eton e no Pembroke College, da Universidade de Oxford. Instalouse en Suffolk en 1813, despois de que o seu pai comprara Elveden Hall, cerca de Thetford ao 4º Conde de Albemarle.

Foi elixido membro do Parlamento do Reino Unido pola circunscrición de Ipswich, desde 1818 até 1820.

Casou o 13 de decembro de 1811 en Ferry Fryston, Yorkshire. A súa esposa Elizabeth (ou Eliza) era a filla de Richard Slater Milnes, deputado do distrito de York. William e Eliza tiveron dez fillos; o seu quinto fillo, Alfred Newton, chegou a ser un famoso ornitólogo, e o sexto, Edward Newton, un administrador colonial, e tamén ornitólogo.

Véxase tamén

Bibliografía

• History of Parliament. Newton, William (1783?-1862) de Elveden, Suffolk
• Wollaston, A. F. R. (1921). Life of Alfred Newton: late Professor of Comparative Anatomy, Cambridge University 1866-1907, with a Preface by Sir Archibald Geikie. New York: Dutton.