Wenceslao Fernández de la Vega Lombán
| Biografía | |
|---|---|
| Nacemento | 1909  A Veiga, España |
| Morte | 23 de marzo de 1997 (87/88 anos) |
| Datos persoais | |
| País de nacionalidade | España |
| Actividade | |
| Ocupación | avogado |
| Lingua | Lingua castelá |
| Familia | |
| Fillos | María Teresa Fernández de la Vega |
| Pai | Wenceslao Fernández de la Vega Pasarín |
| Irmáns | Jimena Fernández de la Vega, Elisa Fernández de la Vega e Virgilio Fernández de la Vega Lombán |
Wenceslao Fernández de la Vega Lombán, nado na Veiga en 1909 e finado en Madrid o 23 de marzo de 1997, foi un avogado inspector de traballo asturiano.
Traxectoria[editar | editar a fonte]
Fillo do médico Wenceslao Fernández de la Vega Pasarín e de Dolores Lombán Cotarelo, era irmán de Elisa, Jimena e Virgilio Fernández de la Vega Lombán. Ingresou na Inspección de Traballo o 8 de xuño de 1936. Foi nomeado polas autoridades republicanas Delegado Provincial de Traballo de segunda categoría de Albacete o 16 de febreiro de 1937, sendo ministro Anastasio de Gracia (PSOE). Ao remate da Guerra Civil Española foi depurado por Orde publicada no BOE de 22 de xaneiro de 1940, de acordo coa lei de Responsabilidades Políticas[1], sendo Ministro de Agricultura Joaquín Benjumea Burín. A sanción foi revogada no BOE do 8 de maio de 1949, pero foille imposto o traslado forzoso con prohibición de solicitar cargos vacantes durante un ano, e a postergación por dous anos de inhabilitación para o desempeño de postos de mando e confianza[2].
O 11 de novembro de 1955 foi nomeado Delegado Provincial de Traballo de Zaragoza[3][4]. Foi cesado en 1963[5], poucos meses despois da caída do ministro Fermín Sanz-Orrio y Sanz -sucesor de Girón de Velasco-.
Foi condecorado coa Medalla ao Mérito no Traballo no 32º aniversario do Alzamento Nacional, o 18 de xullo de 1971[6][7]
Familia[editar | editar a fonte]
Casou con Elena Sanz Reig coa que tivo dous fillos: Jesús e María Teresa Fernández de la Vega.
Notas[editar | editar a fonte]
- ↑ BOE, 22 de xaneiro de 1940. Páx. 532.
- ↑ BOE, 8 de maio de 1949.
- ↑ "Consejo de Ministros". La Vanguardia Española (en castelán). 12 de novembro de 1955. p. 4.
- ↑ BOE, 22 de novembro de 1955.
- ↑ "Nombramientos y ceses de delegados de trabajo". La Vanguardia Española (en castelán). 19 de maio de 1963. p. 76.
- ↑ "Condecoraciones concedidas con motivo del 18 de Julio". La Vanguardia Española (en castelán). 17 de xullo de 1971. p. 7.
- ↑ "Concesión de diversas condecoraciones con motivo del 18 de Julio". ABC (en castelán). 17 de xullo de 1971. p. 43.