Vilarchán, Tourón, Ponte Caldelas

Para outras páxinas con títulos homónimos véxase: Vilarchán.

Vilarchán
Igrexa de San Miguel.
Parroquia	Tourón
Concello	Ponte Caldelas
Coordenadas	42°24′42″N 8°33′51″O
Poboación	326 hab. (2022)
[ editar datos en Wikidata ]

Vilarchán é un lugar da parroquia de Tourón, no concello pontevedrés de Ponte Caldelas, na comarca de Pontevedra. Segundo o IGE, en 2022 tiña 326 habitantes (158 homes e 168 mulleres). Localízase a carón do alto do Pé da Moa (595 m).

Patrimonio

Entre os seus edificios destaca a capela románica de San Miguel, do ano 1160. Ten un espazo de terreo que facía antigamente de camposanto utilizado mesmo polos veciños de Caroi (Cerdedo-Cotobade).

As súas festas celébranse na derradeira fin de semana do mes de xullo, na honra da súa patroa, a Virxe dos Remedios de Vilarchán.

Conta tamén cunha antiga e restaurada Casa da Sociedadade, construída polos habitantes de Vilarchán, e tamén das aldeas dos arredores (Contixe, Mirón e A Reigosa). Despois da guerra civil foi requisada polas autoridades franquistas e convertida en Casa-Escola de ensino primario. Na transición, xa en estado ruinoso, foi devolta á poboación. Foi reconstruída polos lugares e aldeas da parroquia que participaran na súa construción (agás A Reigosa, que renunciou), e na actualidade funciona como Casa do Pobo de Vilarchán, Mirón e Contixe.

Galería de imaxes

Artigo principal: Galería de imaxes de Tourón, Ponte Caldelas.

• 
  Igrexa de San Miguel.
• 
  Detalle da fachada

Lugares e parroquias

Lugares de Tourón

Lugares da parroquia de Tourón no concello de Ponte Caldelas (Pontevedra)
Buchabade | Contixe | Mirón | A Reigosa | Tourón | Vilarchán

Véxase tamén

Outros artigos

• Lugares de Ponte Caldelas

Ligazóns externas

• Inventario de Recursos Turísticos da Comarca de Pontevedra.^{[Ligazón morta]}