Umanità Nova

Na Galipedia, a Wikipedia en galego.

Umanità Nova (Nova Humanidade) é un periódico anarquista italiano fundado no ano 1920 en Milán. Entre os seus colaboradores máis destacados estiveron Errico Malatesta, Antonio Ceri (os fundadores) e Camillo Berneri.

Publicábase diariamente e nalgunhas zonas italianas a súa circulación, que foi duns 30.000 exemplares primeiro e logo duns 60.000, superou á do periódico socialista Avanti! ata 1922, cando foi pechada polo réxime fascista. Mantivo unha pequena tiraxe esporádica e clandestina ata 1926. Houbo unha reaparición notable entre 1943 e 1945, con 14 números de 8.000 exemplares impresos en Florencia, Roma e Xénova.

Despois da caída do réxime en 1945 e dun congreso anarquista en Carrara, a publicación comezou a salir de novo dunha forma estable, esta vez nun formato semanal. O periódico continúa sendo publicado a día de hoxe, sendo impreso en Carrara, e dende 1974 é redactado por un equipo colexiado. Umanità Nova é o medio escrito da Federación Anarquista Italiana.

Ligazóns externas[editar | editar a fonte]