Tratado de Delft
O Tratado de Delft (en neerlandés: Zoen van Delft), coñecido tamén como Reconciliación de Delft, foi un tratado asinado o 3 de xullo de 1428 na cidade de Delft, na Holanda Meridional, entre Jacqueline de Babiera e Filipe o Bo na súa condición de Conde de Flandres e Duque de Borgoña.[1][2]
O acordo puxo fin ás hostilidades coñecidas como "guerra do anzol e o bacallau" (en neerlandés: Hoekse en Kabeljauwse twisten), que tiveron lugar desde 1350 na Frisia occidental e no Condado de Holanda, entre os "anzois" (a nobreza conservadora), apoiados por Inglaterra, e os "bacallaus" (burgueses das vilas progresistas de Holanda), apoiados polo Condado de Flandres.
Consonte os termos do acordo, Jacqueline mantivo nominalmente o título de Condesa de Holanda, Zelandia e Hainaut, aínda que sería Filipe o Bo quen administraría o goberno dos tres condados. Ademais, se Jacqueline chegase a morrer sen descendencia, Filipe o Bo sería declarado herdeiro do trono dos tres condados. Estableceuse tamén a prohibición de que Jacqueline casase novamente sen o consentimento expreso de Filipe.
Cando Jacqueline casou con Frank van Borssele, en 1432, sen o acordo de Filipe o Bo, o tratado considerouse quebrantado e Filipe pasou a tomar o control total dos tres condados.
Notas[editar | editar a fonte]
- ↑ Tratado de Delft. En Historiek.net. (En neerlandés)
- ↑ "Jacoba van Beieren en de Zoen van Delft". En Entoen.nu. (En neerlandés)
Véxase tamén[editar | editar a fonte]
Outros artigos[editar | editar a fonte]
Bibliografía[editar | editar a fonte]
- Dorit-Maria Krenn, Joachim Wild. ,,fürste in der ferne", Das Herzogtum Niederbayern-Straubing-Holland 1353-1425 (=Hefte zur bayerischen und Kultur. Vol.28). Haus der Bayerischen Geschichte. Augsburg. 2003. [ISBN 3-927233-86-2].
- Joachim Wild. Holland. Die Wittelsbacher an der Nordsee (1346-1436). En Alois Schmidt; Katharina Weigand. Bayern mitten in Europa. Vom Frühmittelalter bis ins 20. Jahrhundert. C. H. Beck. Múnic. 2005. [ISBN 3-406-52898-8] Páxinas 92–106.
Ligazóns externas[editar | editar a fonte]
- "Tag Archives: Treaty of Delft". En The Freelance History Writer. (En inglés)
