Time Out of Mind

Time Out of Mind
Álbum de Bob Dylan
Publicado	30 de setembro de 1997
Gravación	1996 - 1997
Estudio(s)	Criteria Studios, Miami
Duración	72:50
Xénero(s)	country, blues, rockabilly
Selo(s)	Columbia Records
Producido por	Daniel Lanois (en asociación con Jack Frost Productions)
Cronoloxía
The Best of Bob Dylan (1997) Time Out of Mind The Bootleg Series Vol. 4: Bob Dylan Live 1966, The "Royal Albert Hall" Concert (1998)

Time Out of Mind é o trixésimo álbum de estudio do músico estadounidense Bob Dylan, publicado o 30 de setembro de 1997 a través do selo Columbia Records. Foi o seu primeiro disco de estudio dobre (en vinilo) dende Self Portrait, editado en 1970. O disco tamén foi lanzado como un único CD.

Para moitos fans e críticos, o álbum marcou o regreso artístico de Dylan despois de que pareceu unha loita coa súa identidade musical ao longo dos anos 80; non editara ningún material orixinal en sete anos, dende o Under the Red Sky de 1990. Time Out of Mind é aclamado como un dos mellores álbums de Dylan, e gañou tres premios Grammy, incluído o de álbum do ano, en 1998. Tamén ocupou o posto número 410 na lista da Rolling Stone dos 500 mellores álbums de todos os tempos en 2012.

O álbum ten un son atmosférico grazas ao traballo innovador do produtor Daniel Lanois, que colocou os micrófonos coidadosamente e realizou unha estratéxica mestura detallada por Dylan nas súas memorias, Chronicles: Volume One. Aínda que Dylan falou positivamente do estilo de produción de Lanois, non quedou satisfeito co son de Time Out of Mind.

Listaxe de cancións

Tódolos temas escritos e compostos por Bob Dylan. 

N.º	Título	Duración
1.	"Love Sick"	5:21
2.	"Dirt Road Blues"	3:36
3.	"Standing in the Doorway"	7:43
4.	"Million Miles"	5:52
5.	"Tryin' to Get to Heaven"	5:21
6.	"'Til I Fell in Love with You"	5:17
7.	"Not Dark Yet"	6:29
8.	"Cold Irons Bound"	7:15
9.	"Make You Feel My Love"	3:32
10.	"Can't Wait"	5:47
11.	"Highlands"	16:31
72:50