The Rocky Horror Picture Show

Na Galipedia, a Wikipedia en galego.
The Rocky Horror Picture Show
Título orixinal The Rocky Horror Picture Show
[[Ficheiro:|200px| ]]
Ficha técnica
Director Jim Sharman
Produtor Michael White
Guión Richard O'Brien
Jim Sharman
Baseado en {{{baseado}}}
Intérpretes Tim Curry
Susan Sarandon
Barry Bostwick
Richard O'Brien
Patricia Quinn
Nell Campbell
Meat Loaf
Música Richard O'Brien
Fotografía Peter Suschitzky
Montaxe Graeme Clifford
Estudio {{{estudio}}}
Distribuidor 20th Century Fox
Ano 14 de agosto de 1975 Reino Unido Reino Unido, 26 de setembro de 1975 Estados Unidos de América Estados Unidos
Duración 100 minutos
País Reino Unido Reino Unido
Xénero comedia musical
Orzamento 1,2 millóns de dólares
Recadación {{{recadación}}}
Filme anterior
Filme seguinte Shock Treatment (1981)
Ficha en IMDb

The Rocky Horror Picture Show é unha comedia musical de 1975 que parodia as películas de horror e ciencia ficción. Cun guión de Richard O'Brien e Jim Sharman, está protagonizada por Tim Curry, Susan Sarandon e Barry Bostwick. A película está baseada na montaxe musical británica The Rocky Horror Show.

A película está considerada un clásico de culto e unha película de sesión de noite, pero é coñecida mundialmente por amplas audiencias, e ten un gran seguimento. RHPS foi a primeiro película dun estudio maior (20th Century-Fox) no mercado da sesión de noite.[1] Aínda que a película é moi popular, os criticos falan da falta de liña argumental, o estilo animado e a natureza demasiado sexual da película como algúns dos seus maiores erros. Con todo, a película é unha das películas de sesión de noite máis coñecidas e rentabilizadas.[2] É a adaptación teatral máis proxectada na historia do cine.[3] Máis de 30 anos despois segue a ser proxectada en salas de todo o mundo. En decembro de 2005 James H. Billington, o bibliotecario do Congreso dos Estados Unidos, seleccionou The Rocky Horror Picture Show para ser preservada no "National Film Registry", unha colección de só 450 películas (en 2006).[4]

Argumento[editar | editar a fonte]

A historia, narrada por un criminólogo (Charles Gray), é a dunha parella nova de recén comprometidos, Brad Majors (Barry Bostwick) e Janet Weiss (Susan Sarandon), que se atopan perdidos nunha tardiña de novembro fría e chuvosa. Buscando un teléfono desde o que chamar para pedir axuda, atopan cobixo nun castelo cercano habitado por xante estrana e estranxeira reunida na Convención Anual de Transilvania. Asisten, aínda mollados pola choiva, ó baile dos transilvanos de Time Warp, a canción principal da película.

Axiña son arrastrados ó mundo do Dr. Frank-N-Furter (Tim Curry), un autoproclamado "dulce travesti da Transilvania transexual", e os seus servintes, os irmáns Riff Raff (Richard O'Brien) e Magenta (Patricia Quinn), así como a groupie Columbia (Nell Campbell) e un grupo de asistentes á convención.

A intención de Furter é revelar o "segredo da vida en si mesma". Nunha escena inspirada nas películas de Frankenstein, "Rocky Horror" (Peter Hinwood) é traído á vida. Logo da persecución de Frank tralo desorientado Rocky, a festa é interrumpida por Eddie (Meat Loaf), o antigo rapaz dos recados, que aparece dun conxelador montando unha motocicleta. A escena remata coa súa morte sanguenta a mans de Furter.

Brad e Janet son levados a habitacións separadas, onde o anfitrión lles dá cadansúa propia benvida. Janet, logo da emoción, deambula buscando a Brad. Descobre a Rocky encollido no seu tanque de nacemento, asustado de Riff Raff, que atormentou á criatura como Igor atormenara ó monstro de Frankenstein. Janet, logo de descubrir a infidelidade de Brad, elixe tomar proveito da situación con Rocky.

Logo de descubrir que a "Criatura" está desaparecida, Frank, Brad, e Riff Raff volven ó laboratoria onde descubren que un intruso entrou no edificio O Doutor Everett Scott (Jonathan Adams), antigo profesor de ciencias de Brad e Janet no instituto,, chega buscando ó seu sobriño Eddie. É neste punto cando Rocky e Janet son descubertos escondidos xuntos. Nunha escena engadida especificamente á versión cinematográfica, os novos invitados son levados a unha cea consistente nos restos de Eddie. Logo de descubriren o que cearon, o horror e o disgusto levan a Janet a saír correndo e berrando da sala.

Frank captúraos a todos, convdertíndoos temporalmente en estatuas e facéndoos participar nunha sorte de cabaret. A actuación é interrumpida por Riff Raff e Magenta, que matan a Columbia, Frank, e Rocky. Resucitan as estatuas de Brad, Janet, e o Dr. Scott, e o castelo desaparece no espazo exterior para regresar ó planeta de Transsexual, na galaxia de Transylvania.

Produción[editar | editar a fonte]

Está baseada na produción teatral de Londres "The Rocky Horror Show", de Richard O'Brien, se ben ten certas diferenzas respecto á concepción teatral orixinal.

Véxase tamén[editar | editar a fonte]

Notas[editar | editar a fonte]

  1. Samuels, Stuart (1983). Midnight Movies. Collier Books. pp. 11. ISBN 0-02-081450-X. 
  2. "Cult Films MIDNIGHT MOVIES". www.filmreference.com. http://www.filmreference.com/encyclopedia/Criticism-Ideology/Cult-Films-MIDNIGHT-MOVIES.html. Consultado o 2007-08-03. 
  3. Modelo:Cite press release
  4. "Saving Rocky Horror and other classics". New Directions in Folklore 3. http://www.loc.gov/wiseguide/feb06/horror.html. Consultado o 2007-06-16. 

Ligazóns externas[editar | editar a fonte]