The Killing Fields

The Killing Fields
Ficha técnica
Título orixinal	The Killing Fields
Director	Roland Joffé
Produtor	David Puttnam; Iain Smith
Guión	Bruce Robinson
Baseado en	The Death and Life of Dith Pran de Sydney Schanberg
Intérpretes	Sam Waterston; Haing S. Ngor; Craig T. Nelson; John Malkovich; Athol Fugard;
Música	Mike Oldfield
Fotografía	Chris Menges
Montaxe	Jim Clark
Estudio	Goldcrest Films; International Film Investors; Enigma Productions;
Distribuidora	Warner Bros. (USA); Columbia-EMI-Warner (GBR);
Estrea	2 de novembro de 1984
Duración	141 minutos
Orixe	Reino Unido
Xénero	Drama
Orzamento	$14 400 000
Recadación	$34 700 291
Na rede

The Killing Fields é un filme británico de 1984 dirixido por Roland Joffé. Está ambientado no réxime do Khmer vermello en Camboxa, e baséase nas experiencias de dous xornalistas, o camboxano Dith Pran e o estadounidense Sydney Schanberg. Foi producido por David Puttnam para a súa compañía Goldcrest Films. Sam Waterston fai o papel de Schanberg, Haing S. Ngor o de Pran, Julian Sands como Jon Swain e John Malkovich como Al Rockoff. A adaptación ó guión foi escrita por Bruce Robinson, a banda sonora foi composta por Mike Oldfield e orquestrada por David Bedford.

Foi un éxito de recadación e da crítica. Na 57ª edición dos Óscar recibiu sete nomeamentos ós premios, incluíndo mellor filme; gañou tres galardóns, salientando o de mellor actor secundario para Haing S. Ngor, que non tiña experiencia previa en interpretación. Nos BAFTA, gañou oito premios, incluíndo mellor filme e mellor actor protagonista para Ngor.