The Haçienda

Na Galipedia, a Wikipedia en galego.

Fac 51 Haçienda (tamén coñecido comunmente como The Haçienda) foi un club nocturno da escena musical de Manchester, Inglaterra.

Foi un dos clubs máis populares do mundo durante os anos do son Madchester, entre finais dos 80s e comezos dos 90s.

Foi financiado polo selo discográfico Factory Records e pola banda New Order. Tony Wilson dirixiu o club.

The Haçienda inaugurouse en 1982 e permaneceu aberto ata 1997, cando xa non puido aguantar máis os constantes problemas económicos e pechou definitivamente.

A película de Michael Winterbottom de 2002 24 Hour Party People, con Steve Coogan no papel do protagonista Tony Wilson, fala da historia do club.