Reserva de caza de Selous

Reserva de caza de Selous
Reserva de caza de Selous localización
Patrimonio da Humanidade - UNESCO
País	Tanzania
Localización
Tipo	Natural
Criterios	ix, x
Inscrición	1982 (6ª sesión)
Rexión da UNESCO	África
Identificador	199bis

A reserva de caza de Selous é unha área protexida no sur de Tanzania. Abrangue unha área total de 50,000 km² e ten zonas de búfer adicional. Foi designado Patrimonio da Humanidade pola UNESCO en 1982 debido á súa diversidade de vida salvaxe e natureza. Algúns dos animais presentes na reserva son o elefante africano de sabana, o rinoceronte negro, o hipopótamo, o león, o licaón, o búfalo africano, a xirafa masai, a cebra común e o crocodilo do Nilo. Non se permite a presenza humana permanente dentro da reserva. Toda entrada e saída humana está controlada pola División de Vida Silvestre do Ministerio de Recursos Naturais e Turismo de Tanzania.

Historia

A zona foi designada por primeira vez como área protexida en 1896 polo gobernador alemán de Tanganika, Hermann von Wissmann, e converteuse en reserva de caza en 1905. A reserva leva o nome de Frederick Selous, un famoso cazador de caza maior e conservacionista, que morreu en Beho Beho neste territorio en 1917 cando loitaba contra os alemáns na primeira guerra mundial. O explorador e cartógrafo escocés Keith Johnston morreu en Beho Beho en 1879 mentres lideraba unha expedición da Royal Geographical Society cara aos Grandes Lagos de África xunto a Joseph Thomson.

Dende 2005, a área protexida é considerada unha Unidade de Conservación do león.

Galería de imaxes

• 
  Foto aérea da reserva.
• 
  Xirafas e ñus en Selous.
• 
  Elefantes na reserva.
• 
  Animais de Selous.
• 
  Merops bullockoides.
• 
  Selous.
• 
  Turistas observando leóns en Selous.
• 
  Lago.

Véxase tamén

Bibliografía

• Peter Matthiessen e Hugo van Lawick (Photography): Sand Rivers. Aurum Press, Londres 1981, ISBN 0-906053-22-6.
• Robert J. Ross, The Selous in Africa: A Long Way from Anywhere, Officina Libraria, Milán 2015, 2016 (2nd. ed.), ISBN 9788897737643
• Rolf D. Baldus: Wild Heart of Africa. Rowland Ward Publications, Johannesburg 2009, ISBN 9780980262674