República Federal de Iugoslavia

Na Galipedia, a Wikipedia en galego.
Савезна Република Југославија
Savezna Republika Jugoslavija
República Federal de Iugoslavia

1992–2003
Bandeira Escudo
Himno: "Hej, Sloveni"
Capital Belgrado
Lingua Serbio
Goberno República
Presidente
 • 1992 - 1993 Dobrica Ćosić
 • 1993 - 1997 Zoran Lilić
 • 1997 – 2000 Slobodan Milošević
 • 2000 - 2003 Vojislav Koštunica
Primeiro Ministro
 • 1992 - 1993 Milan Panić
 • 1993 - 1998 Radoje Kontić
 • 1998 - 2000 Momir Bulatović
 • 2000 - 2001 Zoran Žižić
Historia
 • Establecido 28 de abril de 1992
 • Reconstituído 4 de febreiro de 2003
Poboación
 • 2002 est. 10,656,929 
Moeda Dinar iugoslavo, dinar serbio, euro, marco alemán

A República Federal de Iugoslavia foi un estado federal formado polas repúblicas de Serbia e de Montenegro en 1992 e que no ano 2003 foi renomeado por Serbia e Montenegro. A capital foi a cidade de Belgrado.

Historia[editar | editar a fonte]

O novo Estado[editar | editar a fonte]

Tras a caída da República Federal Socialista de Iugoslavia entre 1991 e 1992, só Serbia e Montenegro acordaron manter o estado iugoslavo, e estableceron unha nova constitución para unha nova Iugoslavia en 1992. Coa caída do comunismo na Europa do Leste, o novo estado seguiu a onda de cambios e non reviviu a estrutura do partido comunista (que fóra disolta en 1990). O novo estado deixou a simboloxía comunista: a estrela vermella foi retirada da bandeira, e o escudo de armas comunista foi substituído por unha aguia bicéfala coas armas de Serbia e de Montenegro. Outros cambios foron introducidos como renomear a policía ata entón Milicija (Милиција) por Policija (Полиција); as dúas repúblicas terían as súas propias forzas. O novo estado estableceu un goberno baseado nun sistema dun só presidente, que sería elixido de xeito democrático, así coma un parlamento democrático.

Serbia e Montenegro[editar | editar a fonte]

No 2002 os gobernos das dúas repúblicas que conformaban a federación chegaron a un novo acordo co propósito de mellorar a cooperación entre as dúas. O 4 de febreiro do 2003, aprobouse unha nova Carta Constitucional, o estado foi reestruturado, e cambiouse o nome polo de Unión dos Estados de Serbia e Montenegro. Porén diversos grupos comezaron a premer pola independencia de Montenegro, que finalmente foi aprobada o 21 de maio de 2006 e declarada o 3 de xuño de 2006.