Pobo rapanui

Na Galipedia, a Wikipedia en galego.
Pobo rapanui
Flag of Rapa Nui, Chile.svg
Rapanookee vona.jpg

Bandeira (en rapanui "Reimiro") dos Rapanui. Danza tradicional do pobo rapanui
Poboación
Poboación total:
5.682
Rexións principais:
Illa de Pascua, Flag of Chile.svg Chile 5.682
Aspectos culturais
Lingua Lingua rapanui
Grupos
relacionados
Oparoan, Tahitianos

Rapanui é o nome dunha etnia habitante da illa de Pascua. A denominación de rapanui fíxose posteriormente extensiva para nomear tanto ó pobo aborixe como ó seu idioma (rapanui) e á illa que habitan.

Descrición[editar | editar a fonte]

O pobo rapanui descende dos primeiros poboadores procedentes da Polinesia.

A sociedade rapanui, era gobernada polo ariki, con ascendencia atribuída directamente dos deuses; e estaba dividida en tribos e con clases moi estratificadas. Cada tribo ocupaba unha zona, sempre con franxa costeira. A maior parte da poboación vivía cara o interior, xunto ás áreas de cultivo. No litoral establecían centros relixiosos, políticos e cerimoniais (Anakena, Akahanga) e adoraban ós antergos case deificados representados polos moai.

Estímase que a poboación de Rapa Nui, sufriu unha crise de superpoboación nos séculos XVII e XVIII, o que tería provocado guerras entre as tribos, coa conseguinte destrución dos lugares cerimoniais e o abandono das canteiras nas que tallaban os moai. Os nativos comenzaron a vivir en covas e deberon padecer a escaseza de alimentos. Xorde un novo cerimonial: o do Tangata Manu (home-paxaro).

O primeiro contacto dos rapanui con algún occidental tivo lugar o 5 de abril de 1722, cando o navegante neerlandés Jacob Roggeween chegou á illa.

Censo do 2002[editar | editar a fonte]

A poboación da Illa de Pascua no censo realizado no 2002 era de 3.791.[1] 60% eran Rapanui, a poboación chilena e a procedente de Europa era do 39%, e o restante 1% eran amerindios de Chile.

Notas[editar | editar a fonte]

  1. Primeiros datos do Censo. Estrellavalpo.cl (2002-06-11). Retrieved on 2010-11-06.

Véxase tamén[editar | editar a fonte]

Outros artigos[editar | editar a fonte]