Pinturas murais da conquista de Mallorca

Pinturas murais da conquista de Mallorca
Artista	Mestre da conquista de Mallorca
Data	1285-1290
Técnica	Fresco pasado a lenzo
Localización	Museo Nacional de Arte de Cataluña (Barcelona)

Pinturas murais da conquista de Mallorca (en catalán: Pintures murals de la conquesta de Mallorca) están formadas por un conxunto de tres plafóns de frescos que forman parte dun ciclo narrativo sobre a conquista de Mallorca polo rei Xaime I de Aragón. Con estas pinturas decorouse unha sala do Palau Aguilar –anteriormente Palau Caldes e actualmente sede do Museo Picasso–, localizado na cidade de Barcelona. Están datados de entre 1285 e 1290 e foron realizados por un pintor anónimo chamado "mestre da conquista de Mallorca. Estes frescos foron descubertos en 1961 no Palau Aguilar e trasladados o ano seguinte, para a súa conservación, no Museo Nacional de Arte de Cataluña de Barcelona, onde se atopan na actualidade.

Tanto os feitos representados coma as personaxes que participaron, que foron identificadas co rei Xaime I, Guillerme II de Bearn, o conde Nunó Sanç I de Rosselló e Cerdanya ou o bispo Berenguer de Palou de Barcelona, foron extraídos de dous das Catro grandes crónicas: o Llibre dels fets (ou Crònica de Jaume I, 1213-1276) e da Crònica de Bernat Desclot (ou Llibre del rei en Pere e dels seus antecessors passats, 1283-1288).^[1]