Partido Unionista do Ulster

Na Galipedia, a Wikipedia en galego.
Ulster Unionist Party (UUP)
Partido político de Irlanda do Norte
Líder Reg Empey
Fundación 1905
Sede 174 Albertbridge Road, Belfast
Ideoloxía Unionismo do Ulster
Centro-dereita
Filiación internacional Movemento pola Reforma Europea
Demócratas Europeos
Mocidades Young Unionists
Páxina web www.uup.org

O Partido Unionista do Ulster (en inglés: Ulster Unionist Party, UUP) é o máis moderado dos dous principais partidos políticos unionistas en Irlanda do Norte.[1] Antes da escisión no unionismo de finais dos sesenta, cando o antigo Partido Unionista Protestante comezou a atraer aos simpatizantes da liña dura do unionismo en detrimento do UUP, gobernou Irlanda do Norte entre 1921 e 1972 como o único partido unionista. Continuou a ser apoiado pola maioría dos votantes unionistas ao longo do período coñecido como the Troubles.

O UUP ten perdido apoio entre a comunidade unionista e protestante de Irlanda do Norte en favor do Partido Unionista Democrático (DUP), de liña máis dura, en tódalas eleccións dende 1999. O partido está dirixido actualmente por Sir Reg Empey.

O UUP ten acordado un pacto electoral co Partido Conservador, que se concreta en que os dous partidos presentarán candidatos conxuntamente ás eleccións á Cámara dos Comúns e ao Parlamento Europeo baixo o lema "Conservadores e Unionistas do Ulster - Nova Forza".[2]

Notas[editar | editar a fonte]