Paolo Veronese

Na Galipedia, a Wikipedia en galego.
As vodas de Caná, 1563. Veronese trata os temas evanxélicos como fragmentos da vida cortesá veneciana, nun estilo fastuoso e ostentoso.

Paolo Veronese, nado en Verona en 1528 e finado en Venecia o 19 de abril de 1588, foi un importante pintor renacentista veneciano.

Traxectoria[editar | editar a fonte]

Nceu co nome de Paolo Cagliari ou Paolo Caliari, e era coñecido como Veronese polo seu lugar de nacemento. Discípulo de Parmigianino, Veronese caracterízase pola linguaxe clara e luminosa, espacialidade en largura, brillante sentido decorativo, exaltación da vida profana e alegorías aptas para o adorno de grandes superficies como o Palacio Ducal de Venecia.