Palacio Real de Bruxelas

Palacio Real de Bruxelas
	Fachada principal do palacio.
Edificio
Estilo	Neoclásico
Localización	Bélxica, Bruxelas
Coordenadas	50°50′30″N 4°21′44″L / 50.841667, 4.362222Coordenadas: 50°50′30″N 4°21′44″L / 50.841667, 4.362222
Propietario	Familia real belga
Uso(s)	Despachos e visitas
Construción
Inicio	1815
Remate	1829
Dimensións
Altura	5 andares
Superficie	33 027 m²
Equipo
Arquitecto(s)	1815-1829: Ghislain-Joseph Henry, Charles Vander Straeten, Tilman-François Suys; 1865: Alphonse Balat; 1903: Henri Maquet;
	[ editar datos en Wikidata ]

O Palacio Real de Bruxelas (en neerlandés: Koninklijk Paleis van Brussel, en francés: Palais Royal de Bruxelles) é o palacio oficial do rei dos belgas, no centro da capital nacional, Bruxelas. O palacio non é usado como residencia real, xa que o rei e a súa familia viven no Castelo Real de Laeken, nas aforas de Bruxelas. O rei cumpre as súas funcións de xefe de Estado neste palacio real.

O palacio atópase ao sur do Parque Real, na parte alta da cidade de Bruxelas. Por outro lado, enfrontado ao Palacio atópase o Parlamento Federal de Bélxica. Estes dous edificios representan a forma de goberno en Bélxica: a monarquía constitucional.

Historia[editar | editar a fonte]

A construción do Palacio Real comezou a principios do século XIX a mans de Guillerme I, rei dos Países Baixos. Durante o reinado de Leopoldo II o palacio sufriu moitas remodelacións e quedou como pode verse actualmente.^[1] Dende 1965, o Palacio Real de Bruxselas está aberto ao público habitualmente dende o 21 de xullo (día da festa nacional) até comezos de setembro. O horario de visita é de martes a domingo de 10:30 a 17:00 horas.^[2]