Orballo
Na Galipedia, a Wikipedia en galego.
O orballo, tamén denominado resío e rosada, é o fenómeno atmosférico no que as pingas de auga se depositan na superficie do chan e prantas, procedentes da condensación do vapor de auga da atmosfera. O orballo fórmase pola noite e en tempo tranquilo e claro, cando o frío do chan se transmite ao aire que se atopa en contacto con el e causa a condensación de vapor da súa capa inferior.
Ademais, tamén se denomina orballo (ou babuña, babuxa, chuvisca, poalla, zarzallo, etc.) á choiva fina e compacta.
