Once Sent from the Golden Hall é o primeiro álbum de estudio da banda sueca de death metal melódicoAmon Amarth, publicado o 10 de febreiro de 1998 a través do selo Metal Blade. A edición orixinal estaba formada por só 1 000 copias en CD e vinilo. Posteriormente o disco foi reeditado por Metal Blade en 2005. Unha versión de luxo apareceu en 2009, co álbum remasterizado por Jens Bogren e un CD extra co disco tocado ao vivo en Bochum, Alemaña.[1] Martin Lopez deixou o grupo pouco despois do lanzamento do traballo para unirse a Opeth, sendo o seu único traballo na banda. Tamén é o único disco co guitarrista Anders Hansson.