Movemento Revolucionario Túpac Amaru

Na Galipedia, a Wikipedia en galego.
Bandeira do MRTA

O Movemento Revolucionario Túpac Amaru (en español, Movimiento Revolucionario Túpac Amaru, MRTA) foi un grupo revolucionario marxista de carácter armado activo en Perú desde os primeiros anos da década de 1980 ata 1997 e un dos principais contendentes no conflito armado interno en Perú.

O seu primeiro dirixente foi Víctor Polay Campos (camarada "Rolando"), ata o seu arresto[1] en 1992 e de seguido asumiu o mando Néstor Cerpa Cartolini (camarada "Evaristo") ata que morreu en 1997. O seu nome venlle de Túpac Amaru II, un líder rebelde do século XVIII que se considerou descendente de Túpac Amaru, o derradeiro dirixente dos Incas. MRTA tivo a consideración de organización terrorista polo goberno peruano, o departamento de estado norteamericano e o Parlemento Europeo[2][3]. Na súa época de maior apoxeo tivo varios centos de membros activos que tiñan como meta o establecemento dun estado socialista e liberar o país de todos os elementos imperalistas.

Notas[editar | editar a fonte]

  1. "Corte Suprema incrementa condenas a Víctor Polay y a cúpula del MRTA" (en castelán). Peru21. 24 June 2008. http://peru21.pe/noticia/211044/corte-suprema-aumento-condenas-victor-polay-cupula-mrta. Consultado o 4 August 2009.
  2. "U.S. Department of State Country Reports on Terrorism 2006 - Peru". http://www.unhcr.org/refworld/docid/4681088023.html. Consultado o 4 August 2009.
  3. "MRTA será incluido en la lista de terroristas" (en castelán). El Comercio. 8 May 2009. http://www.elcomercio.com.pe/impresa/notas/mrta-incluido-lista-terroristas/20090508/283759. Consultado o 4 August 2009.