Mauro Bicicli

Bicicli
Información persoal
Nome	Mauro Bicicli
Nacemento	15 de xaneiro de 1935
Lugar de nacemento	Crema
Falecemento	22 de agosto de 2001
Lugar de falecemento	Crema
Posición	centrocampista
Carreira xuvenil
	Crema
Carreira sénior
Anos	Equipos	Aprs	(Gls)
1952–1953	Crema	27	(2)
1953–1963	Inter de Milán	171	(25)
1955–1956	→ Parma	32	(8)
1956–1957	→ Catania	32	(8)
1962	→ Catania	0	(0)
1963–1966	Genoa	67	(8)
1966–1967	Inter de Milán	11	(2)
1967–1968	Lanerossi Vicenza	22	(1)
1968–1969	Brescia	26	(0)
Adestrador
1976–1977	Brescia
1982–1983	Brescia
1983–1985	Ospitaletto
1985–1986	Fanfulla
1987–1993	Legnano
Partidos e goles só en liga doméstica. [ editar datos en Wikidata ]

Mauro Bicicli, nado en Crema o 15 de xaneiro de 1935 e finado no mesmo lugar o 22 de agosto de 2001, foi un futbolista e adestrador italiano, que xogaba como dianteiro.

Traxectoria

Como futbolista

Tras comezar a súa carreira no Crema fichou polo Inter de Milán, co que debutou na Serie A o 17 de abril de 1955 fronte ao Genoa. Xogou no club lombardo de xeito intermitente durante a seguinte década, con cesións e pasos por outros equipos. Disputou un total de 182 partidos coa camiseta nerazzurra e marcou 27 goles. Gañou dous títulos da Serie A e en 1967 foi aliñado por Helenio Herrera como titular na final da Copa de Europa, en substitución do centrocampista galego Luis Suárez, que estaba mancado. O equipo italiano acabou perdendo aquel partido por 2-1 contra o Celtic.

Como adestrador

Trala súa retirada foi adestrador, comezando a súa carreira nos bancos como técnico do equipo xuvenil do Brescia. Adestrou ademais o primeiro equipo en dúas ocasións, a primeira delas en 1977, na Serie B, para substituír a Antonio Angelillo, e a segunda en 1982, como substituto de Maurizio Bruno na Serie C1. Posteriormente pasou polos bancos do Ospitaletto, Fanfulla e Legnano. Faleceu dun cancro de fígado en 2001, aos 66 anos.

Palmarés

Inter de Milán

• Serie A (2): 1953/54, 1962/63.

Genoa

• Copa dos Alpes (1): 1964.

Véxase tamén

Bibliografía

• Rota, Davide (2008). Dizionario illustrato dei giocatori genoani (en italiano). De Ferrari. 
• Beltrami, Arrigo (1983). Almanacco illustrato del calcio 1984 (en italiano). Módena: Panini. 
• Beltrami, Arrigo (1979). Almanacco illustrato del calcio 1980 (en italiano). Módena: Panini. 

Ligazóns externas

• Datos do xogador en smr.worldfootball.net (en italiano).