Celtic F.C.

Celtic FC

Nome	Celtic Football Club
Alcume(s)
Fundación	25 de maio de 1888
Estadio	Celtic Park Glasgow, Escocia
Inauguración	1892
Capacidade	60.832
Propietario
Presidente	John Reid
Adestrador	Neil Lennon
Liga	Scottish Premier League
2009–10	2º
Vestimenta
Patrocinador
Web oficial
Na casa Fóra

O Celtic Football Club é un club de fútbol escocés da zona de Parkhead, en Glasgow, que actualmente compite na Scottish Premier League. Fundouse en 1887 e disputou o seu primeiro partido en 1888. Desde a súa fundación, o Celtic conseguiu 42 títulos de liga –só superado polo Rangers FC– e 35 copas escocesas –máis que ningún outro club escocés. O club disputa os seus partidos como local no Celtic Park, o estadio con maior capacidade do fútbol escocés, que alberga 60.832 espectadores sentados.

Historia

É moi sonada a grande rivalidade que o Celtic ten co Rangers dende 1888 (ano do nacemento do Celtic). É o derbi por excelencia de Escocia e pode que do mundo posto que o mesmo Sir Alex Ferguson (que xa leva visto moito fútbol na súa vida) fala na súa autobiografía de que endexamais vira nun enfrontamento de rivalidade unha atmosfera e unha paixón semellantes ás que se poden vivir nos encontros entre Celtic e Rangers. De feito, dicía que nin nos derbis que vira en España, Italia, Inglaterra... tivera visto nada que se lle achegase. E tamén boa conta disto pode dála o futbolista ferrolán do Rangers Nacho Novo que recoñeceu nunha entrevista concedida a un xornal deportivo que aquilo era impresionante e que se algún compañeiro lle quería dicir algo, como estivese a 3 ou 4 metros xa non oía o que lle quería comentar. Tanto esta rivalidade, por intres da historia esaxerada, coma cando se fai referencia a ambolos dous clubes se fala do Old Firm.

O equipo xoga os seus partidos coma conxunto local no Celtic Park tamén coñecido coma Parkhead por estar chantado nesa avenida e coma The Paradise ou simplemente Paradise grazas ós boísimos momentos que alí puideron pasar moitos siareiros. O estadio ten unha capacidade de 60.832 prazas todas elas de sentar sendo o estadio con meirande aforo da Escocia e o segundo do Reino Unido en canto a clubes se refire.

Abofé que o fito por excelencia do clube foi a proclamación do mesmo coma campión de Europa no 1967 trala vitoria acadada cun xogo de reis sobre o Inter de Milán por 2-1 en Lisboa. E velaquí a explicación de que tódolos xogadores que artellaban o plantel recibiran a denominación de Lisbon Lions. Cómpre salientar tamén ó falar deles que, hogano, inda segue a se-lo único clube de Europa que foi quen de gaña-la máxima competición continental botando man tan só de xente do país da orixe do equipo. E é máis, os xogadores tiveran nacido todos eles nun radio de 30 millas (algo máis de 55 quilómetros) con respecto á casa do clube, Celtic Park.

O Celtic tamén é coñecido coma o equipo dos católicos, estando formada a súa afección principalmente pola minoría católica de Escocia, polos norirlandeses católicos e polos irlandeses. Tamén ten importantes núcleos de seguidores en Australia, Estados Unidos ou Inglaterra, e aínda noutros países anglosaxóns coma o Canadá ou Nova Celandia alén de moitos milleiros máis de afecionados do equipo que están espallados polo resto do mundo.

O estadio adoita estar cheo en cada partido e nas últimas tempadas as estatísticas indican unha asistencia media ó terreo de xogo de arredor dunhas 57.000-58.000 persoas; cifras tan só rebasadas polos seguidores do Manchester United a nivel británico.

Uniforme

A primeira equipación do equipo é a de camisola con franxas horizontais verdes e brancas, pantalonciño cor branca e medias brancas inda que hai que dicir ó respecto que houbo ó longo da historia do clube diversas tempadas nas que as medias eran, á imaxe da camisola, con franxas verdes e brancas. En canto á segunda equipación hai que salientar que foi mudando ó longo dos anos pero por pór un exemplo a da tempada 2005-2006 era completamente verde.

Xogadores

Cadro actual

Datos do 21 de maio de 2011.

Nº Posto País Xogador 2 DEF Andreas Hinkel 3 DEF Emilio Izaguirre 4 MED Efraín Juárez 5 DEF Daniel Majstorović 7 MED Freddie Ljungberg 8 MED Scott Brown 9 DIA Georgios Samaras 10 DIA Anthony Stokes 11 DEF Cha Du-Ri 12 DEF Mark Wilson 13 DIA Shaun Maloney 14 MED Niall McGinn 15 MED Kris Commons 16 MED Joe Ledley 18 MED Ki Sung-Yueng 20 MED Paddy McCourt

Nº Posto País Xogador 21 DEF Charlie Mulgrew 22 DEF Glenn Loovens 23 DIA Ben Hutchinson 24 POR Łukasz Załuska 25 DEF Thomas Rogne 26 POR Fraser Forster 27 DIA Daryl Murphy 31 MED Richie Towell 33 MED Beram Kayal 36 MED Graham Carey 38 DEF Josh Thompson 45 DEF Lewis Toshney 47 POR Dominic Cervi 48 DEF Darren O'Dea 49 DIA James Forrest 55 DIA Paul McGowan 88 DIA Gary Hooper

Xogadores famosos

• Xogadores importantes: Roy Aitken, Bertie Auld, Tommy Burns, Dennis Connaghan, Pat Crerand, Kenny Dalglish, Patsy Gallacher, Tommy Gemmell, John Hartson, David Hay, Harry Hood, Jimmy Johnstone, Paul Lambert, Henrik Larsson, Neil Lennon, Bobby Lennox, Lou Macari, Willie Maley, Danny McGrain, Jimmy McGrory, Billy McNeill (Caesar), Paul McStay, Charlie Nicholas, Ronnie Simpson, Jock Stein, Chris Sutton, John Thomson (morto nun partido entre Celtic e Rangers), Charlie Tully, Stilian 'Stan' Petrov, Roy Keane, Aiden McGeady.

Palmarés

Torneos nacionais

• Liga escocesa: (42) 1893, 1894, 1896, 1898, 1905, 1906, 1907, 1908, 1909, 1910, 1914, 1915, 1916, 1917, 1919, 1922, 1926, 1936, 1938, 1954, 1966, 1967, 1968, 1969, 1970, 1971, 1972, 1973, 1974, 1977, 1979, 1981, 1982, 1986, 1988, 1998, 2001, 2002, 2004, 2006, 2007, 2008.

• Copa de Escocia: (35) 1892, 1899, 1900, 1904, 1907, 1908, 1911, 1912, 1914, 1923, 1925, 1927, 1931, 1933, 1937, 1951, 1954, 1965, 1967, 1969, 1971, 1972, 1974, 1975, 1977, 1980, 1985, 1988, 1989, 1995, 2001, 2004, 2005, 2007, 2011.

• Copa de Liga Escocesa: (14) 1957, 1958, 1966, 1967, 1968, 1969, 1970, 1975, 1983, 1998, 2000, 2001, 2006, 2009.

Torneos internacionais

• Copa de Europa: (1) 1967.
• Finalista da Copa de Europa: 1970
• Finalista da Copa da UEFA: 2003

Véxase tamén

Ligazóns externas

• Páxina oficial do Celtic FC (en inglés)
• Flower Of Glasgow