Marta Macho Stadler

Na Galipedia, a Wikipedia en galego.
Infotaula de personaMarta Macho Stadler

Editar o valor em Wikidata
Biografía
Nacemento9 de setembro de 1962 Editar o valor em Wikidata (61 anos)
Bilbao, España Editar o valor em Wikidata
Datos persoais
País de nacionalidadeEspaña Editar o valor em Wikidata
EducaciónUniversidade do País Vasco - Licenciatura
Université Claude-Bernard-Lyon-I (pt) Traducir - Doutoramento Editar o valor em Wikidata
Director de teseGilbert Hector (en) Traducir Editar o valor em Wikidata
Actividade
Ocupaciónmatemática , profesora universitaria Editar o valor em Wikidata
EmpregadorUniversidade do País Vasco (1985–) Editar o valor em Wikidata
Membro de
LinguaLingua castelá Editar o valor em Wikidata
Obra
DoutorandoJosé Ignacio Royo-Prieto (en) Traducir, Pablo González Sequeiros (en) Traducir e Álvaro Lozano Rojo (en) Traducir Editar o valor em Wikidata
Premios
Facebook: marta.machostadler Twitter: MartaMachoS Editar o valor em Wikidata

Marta Macho Stadler, nada en Bilbao, 9 de setembro de 1962, é unha matemática e divulgadora científica española. É profesora de Xeometría e Topoloxía na Universidade do País Vasco e especialista en Teoría Xeométrica de Foliacións e Xeometría non conmutativa. É tamén editora do espazo dixital Mujeres con Ciencia da Cátedra de Cultura Científica polo que recibiu varios premios, entre eles o Premio Emakunde de Igualdade 2016.

Traxectoria[editar | editar a fonte]

Licenciouse en Matemáticas pola Universidade do País Vasco en 1985 e foi contratada como profesora colaboradora no Departamento de Matemáticas desa mesma universidade. En 1987 comezou a traballar co Dr. Gilbert Hector da Universidade Claude Bernard de Lión e alí se doutorou en 1996 coa tese Isomorphisme de Thom pour les feuilletages presque sans holonomie (Isomorfismo de Thom para as foliacións case sen holonomía). Traballa como profesora agregada de Xeometría e Topoloxía da UPV/EHU. Entre os seus temas de investigación está a teoría xeométrica de foliacións.

Imparte docencia en Topoloxía e Ampliación de Topoloxía no Grao de Matemáticas (terceiro e cuarto curso) na Facultade de Ciencia e Tecnoloxía da UPV/EHU. Tamén imparte un curso de Topoloxía Alxebraica no mestrado universitario en Modelización e Investigación Matemática, Estatística e Computación (MATG6) e a materia optativa Las Matemáticas en la vida cotidiana: sociedad y cultura nas Aulas da Experiencia de Biscaia da UPV/EHU.[1]

Divulgación científica[editar | editar a fonte]

As súas actividades de divulgación comezaron en 1999, cando colaborou na organización dun ciclo de conferencias titulado Un Paseo por la geometría, actividade que levou a cabo durante dez cursos académicos. Durante a súa traxectoria como divulgadora científica salienta o traballo para facer visíbel o papel das mulleres no mundo científico.[2]

Foi membro da Comisión de Mulleres da Real Sociedade Matemática Española (RSME) e participa en diversos espazos sociais para potenciar a conexión entre a ciencia e a sociedade civil.

Un dos temas que centran o seu labor de divulgación científica é a presenza das matemáticas na literatura o que a levou a estudar o contido científico e a estrutura matemática de textos na novela, a historieta, a poesía e as pezas teatrais.[3] É a responsábel das seccións de Literatura y Matemáticas e de Teatro y Matemáticas no portal DivulgaMAT da RSME. Participa desde hai anos en diversas actividades en centros culturais ou de ensino, tentando chegar tanto a estudantes como ao público en xeral e colabora en diferentes blogs, como: ZTFNews.org (Facultade de Ciencia e Tecnoloxía, UPV/EHU) e Cuaderno de Cultura Científica (Cátedra de Cultura Científica, UPV/EHU). Tamén coordina o ciclo Ellas hacen ciencia que acolle cada ano a biblioteca Bidebarrieta de Bilbao.

Desde 2010 forma parte da Comisión para a Igualdade da Facultade de Ciencia e Tecnoloxía da Universidade do País Vasco, e desde 2015 é membro do seu Consello de Cooperación. Doutra banda, desde 2011 é membro da Asociación de Mujeres Investigadoras y Tecnólogas.[1]

Desde a súa creación o 8 de maio de 2014 é editora e impulsora do espazo dixital Mujeres con ciencia da Cátedra de Cultura Científica da Universidade do País Vasco dedicado á difusión do papel das mulleres na ciencia e á visibilidade dos seus traballos tanto das pioneiras como das científicas actuais ademais dos aspectos transversais á ciencia e os nesgos de xénero na ciencia.[4]

En 2015 recibiu o Premio Igualdade da Universidade de Alacant polo seu traballo divulgativo e accións a favor da visibilización das achegas das mulleres científicas no progreso social[5] e a medalla da Real Sociedade Matemática Española, polo seu labor de divulgación das matemáticas, polo seu compromiso coa igualdade e por tender pontes entre o profesorado de matemáticas de diferentes niveis educativos.[6][7]

En novembro de 2016 outorgóuselle o Premio Emakunde á Igualdade en recoñecemento á súa traxectoria de divulgación e promoción do coñecemento científico entre as mulleres aplicando a perspectiva de xénero ademais de recoñecer a súa participación en comisións científicas e académicas para promover a igualdade de mulleres e homes na universidade. O premio, cunha dotación bruta de 14400 euros destinouno na súa totalidade a mulleres refuxiadas e vítimas da violencia de xénero que están a estudar na UPV/EHU.[8]

É coautora de Mujeres en la Ciencia, unha guía didáctica sobre o papel das mulleres na historia da ciencia.[9] Forma parte do Comité de Sabias da Cátedra de Feminismos 4.0 da Universidade de Vigo.[10]

Premios e recoñecementos[editar | editar a fonte]

  • 2015 Premio Igualdade da Universidade de Alacant. [2]
  • 2015 Medalla da Real Sociedad Matemática Española.[6]
  • 2016 Premio Emakunde á Igualdade.[11][12][13]
  • 2019 Ilustre de Bilbao, polo seu labor como divulgadora científica e por visibilizar o papel das mulleres na ciencia.[14]
  • 2021 Finalista na VII Edición do Premio Avanzadoras de 20Minutos e Intermón Oxfam.[15]
  • 2023 Premio da Fundación Lilly á Difusión Científica.[16]
  • 2023 Premio Muller Científica, da revista Muy Interesante.[17]

Publicacións[editar | editar a fonte]

  • Topología general (2002) Universidade do País Vasco
  • Mujeres en la Ciencia. Guía didáctica sobre el papel de la mujer en la historia de la Ciencia (2011). Coautora. Universidade do País Vasco.[9]

Notas[editar | editar a fonte]

  1. ↑ 1,0 1,1 "Marta Macho Stadler". AMIT (en castelán). 20 de outubro de 2016. Consultado o 3 de decembro de 2016. 
  2. ↑ 2,0 2,1 "Marta Macho: “Las mujeres alcanzaremos un lugar más destacado en la ciencia cuando se cambie el concepto actual de competitividad por el de colaboración” - Revista Emakunde Aldizkaria". Revista Emakunde Aldizkaria (en castelán). 15 de febreiro de 2016. Arquivado dende o orixinal o 03 de decembro de 2016. Consultado o 2 de decembro de 2016. 
  3. ↑ "Conferencia Marta Macho: Al otro lado del espejo. Literatura y matemáticas.9 de Noviembre a las 19:30. - IPES Mujeres y Feminismos" (en castelán). Arquivado dende o orixinal o 03 de decembro de 2016. Consultado o 3 de decembro de 2016. 
  4. ↑ "Mujeres con ciencia". Mujeres con ciencia (en castelán). Consultado o 22 de outubro de 2017. 
  5. ↑ "La Universidad de Alicante entregará su III premio Igualdad-UA a la profesora Marta Macho, de la Universidad del País Vasco". web.ua.es (en castelán). Universidad de Alicante. Consultado o 3 de decembro de 2016. 
  6. ↑ 6,0 6,1 "Real Sociedad Matemática Española - Resolución de la primera edición de las Medallas de la RSME". Arquivado dende o orixinal o 20 de decembro de 2016. Consultado o 3 de decembro de 2016. 
  7. ↑ "Marta Macho Stadler, medalla de la Real Sociedad Matemática - Visualización del contenido - Universidad del País Vasco - UPV/EHU". www.ehu.eus (en castelán). Consultado o 30 de setembro de 2017. 
  8. ↑ "La doctora en matemáticas Marta Macho, Premio Emakunde 2016". Bizkaia - El Correo.com (en castelán). 2 de decembro de 2016. Consultado o 3 de decembro de 2016. 
  9. ↑ 9,0 9,1 VV.AA. "Mujeres en la Ciencia. Guía didáctica sobre el papel de la mujer en la historia de la Ciencia" (PDF). Consultado o 3 de decembro de 2016. 
  10. ↑ Diario, Nós. "O Comité de Sabias fúndase no acceso igualitario ao eido dixital". Nós Diario. Consultado o 2021-03-21. 
  11. ↑ "Irekia - La doctora en matemáticas y responsable del blog “Mujeres con ciencia” Marta Macho, Premio Emakunde 2016". Arquivado dende o orixinal o 25 de xaneiro de 2020. Consultado o 3 de decembro de 2016. 
  12. ↑ "Emakunde entrega el Premio a la Igualdad a Marta Macho Stadler. Deia, Noticias de Bizkaia". Arquivado dende o orixinal o 06 de abril de 2017. Consultado o 6 de abril de 2017. 
  13. ↑ "El Lehendakari entrega a la doctora en matemáticas Marta Macho el Premio Emakunde a la Igualdad". 4 de maio de 2017. Consultado o 28 de abril de 2017. 
  14. ↑ "Bilbao.eus, InfoBilbao, News, EL AYUNTAMIENTO DE BILBAO ENTREGARÁ EL PRÓXIMO MARTES, DÍA 17, LOS NUEVOS TÍTULOS DE “ILUSTRES DE BILBAO 2019”". Consultado o 11 de decembro de 2019. 
  15. ↑ 20minutos (2021-03-02). "Mafalda Soto, Marta Macho y Ana Freire, reconocidas como mujeres Avanzadoras por '20minutos' y Oxfam Intermón". www.20minutos.es - Últimas Noticias (en castelán). Consultado o 2023-11-09. 
  16. ↑ "Marta Macho, premio Fundación Lilly de Divulgación Científica 2023". Real Sociedad Matemática Española (en castelán). 2023-10-06. Consultado o 2023-11-09. 
  17. ↑ "La revista Muy Interesante otorga el Premio Mujeres Científicas a Marta Macho Stadler". UPV/EHU (en castelán). Consultado o 2023-11-09. 

Véxase tamén[editar | editar a fonte]

Traído desde «https://gl.wikipedia.org/w/index.php?title=Marta_Macho_Stadler&oldid=6548923»