Manuel Fontoira Peón

Manuel Fontoira Peón

Biografía
Nacemento	30 de xullo de 1907 Pontevedra, España
Morte	18 de maio de 1986 (78 anos) Pontevedra, España
Presidente da Deputación de Pontevedra
Datos persoais
País de nacionalidade	España
Actividade
Ocupación	médico , político
Lingua	Lingua castelá
Familia
Fillos	Manuel Fontoira Surís, Rafael Fontoira Surís

Para outras páxinas con títulos homónimos véxase: Manuel Fontoira.

Manuel Fontoira Peón, nado en Pontevedra o 30 de xullo de 1907 e finado na mesma cidade o 18 de maio de 1986, foi un médico e político galego.

Traxectoria

Licenciado en Medicina pola Universidade de Santiago de Compostela, logo marchou completar os seus estudos, doutorarse e especializarse en pediatría na Universidade Central de Madrid. Ao remate da súa formación regresou a Pontevedra onde exerceu a medicina, e onde chegaría a fundar o Sanatorio Santa María.

Xa durante o franquismo, foi deputado provincial en Pontevedra, e vicepresidente (1942-1948) e logo presidente (1948-1951) da deputación de Pontevedra e en calidade dese posto presidiu o padroado do Museo Provincial de Pontevedra. Tamén foi procurador en Cortes.

Membro fundador da Sociedade de Pediatría de Galicia e o seu presidente. Finou en Pontevedra o 18 de maio de 1986.

Vida persoal

Foi pai de Lydia Fontoira, do pediatra e político Manuel Fontoira Surís e do arquitecto Rafael Fontoira Surís.