Macela

Na Galipedia, a Wikipedia en galego.
Macela
Matricaria chamomilla - teekummel Keilas.jpg
Clasificación científica
Reino: Plantae
(sen clasif.): Eudicots
(sen clasif.): Asterids
Orde: Asterales
Familia: Asteraceae
Tribo: Anthemideae
Xénero: 'Matricaria'
Especie: ''M. chamomilla''
Nome binomial
''Matricaria chamomilla''
L.
Sinonimia

Chamomilla chamomilla (L.) Rydb.
Chamomilla recutita (L.) Rauschert
Matricaria recutita L.
Matricaria suaveolens L.
Sources: NRCS,[1] ITIS[2]

A macela ou camomila[3] é unha planta herbácea aromática da familia das compostas (Matricaria chamomilla ou Matricaria recutita). Posúe un talo feble, ramudo, con flores de centro amarelo e corola branca. Emprégase como herba medicinal, pois posúe propiedades calmantes e dixestivas.

Sinónimos desta planta son: Chamomilla chamomilla, Chamomilla recutita (nome aceptado para a flora europea) e Matricaria suaveolens.

Ás veces emprégase como herba de San Xoán.

Características[editar | editar a fonte]

A macela común é unha planta herbácea, de talo cilíndrico, ergueito, ramoso, de até 50 cm de altura. Presenta follas alternas, bipinnatisectas, cos folíolos. En posición terminal presenta polo verán unha inflorescencia en forma de capítulo paniculado. As flores radiais son uns 20 mm, coa lígula branca, mentres que os do disco son numerosos, hermafroditas; o receptáculo é oco e carece de escamas, o que permite distinguila facilmente da macela brava Anthemis arvensis (L.) Pall. ex M.Bieb. . As flores son un pouco amargas e recendentes.

Hábitat e distribución[editar | editar a fonte]

É nativa da rexión dos Balcáns, dende onde se espallou cara Europa. Está naturalizada en varias rexións do Novo Mundo. Cultívase tamén para su uso industrial. Medra de xeito doado en solos ben drenado, con bastante sol; resiste as xeadas, a escaseza de nutrientes e a acidez do solo.

Uso[editar | editar a fonte]

Matricariae flos: Como se usan para facer a infusión

O talo tenro e as sumidades floridas úsanse secos ou frescos en infusión, recendente e lixeiramente agre. Confúndase moitas veces coa macela brava: Chamaemelum nobile, e non é claro a cal se refiren os autores ao mencionar as súas propiedades medicinais, mais se considera dixestiva, carminativa, sedante, tónica, vasodilatadora e antiespasmódica.[4] O aceite esencial emprégase en aromaterapia, e a infusión das flores aplícase ao cabelo para incrementar a súa cor dourada e loura, en especial nos cativos.

Composición[editar | editar a fonte]

O aceite esencial supón entre un 0,4 e un 1,0% da planta fresca; contén sesquiterpenoides (1-alfa-bisabolol e derivados: bisabolóxidos A, B e C, bisabonolóxido A), antecotulide, camazuleno, lactonas sesquiterpénicas, carburos terpénicos (cadineno, cis-espiro-éter e trans-espiro-éter, farneseno), flavonoides (apixenina, luteolina, quercetina e patuletina), cumarinas (dioxicumarina, herniarina, umbeliferona), resinas (triacontano, fitosterina), ácido valeriánico e fenois.

Emprégase medicinalmente como antiinflamatoria, antiespasmódica e ansiolítica, sen relaxación muscular.

Pode provocar dermatite de contacto en persoas sensíbeis, e se teñen informado casos de anafilaxe entre alérxicos.

Taxonomía[editar | editar a fonte]

Matricaria recutita foi descrita por Carl von Linné e publicado en Species Plantarum 2: 891. 1753.[5]

Sinonimia
  • Camomilla deflexa Gilib.
  • Chamaemelum suaveolens E.H.L.Krause
  • Chamaemelum vulgare Bubani
  • Chamomilla chamomilla (L.) Rydb.
  • Chamomilla courrantiana (DC.)
  • Chamomilla officinalis K.Koch
  • Chamomilla patens Gilib.
  • Chamomilla recutita (L.) Rauschert
  • Chamomilla recutita subsp. bayeri
  • Chamomilla vulgaris Gray
  • Chrysanthemum chamomilla (L.) Bernh.
  • Chrysanthemum suaveolens (L.) Cav.
  • Courrantia chamomilloides Sch.Bip.
  • Matricaria bayeri Kanitz
  • Matricaria capitellata Batt. & Pit.
  • Matricaria courrantiana DC.
  • Matricaria exigua Tuntas
  • Matricaria kochiana Sch.Bip.
  • Matricaria pusilla Willd.
  • Matricaria salina (Schur) Schur
  • Matricaria suaveolens L.[6]
  • Matricaria chamomilla L.[7]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Macela