Labuat

Labuat
Información
Orixe	, España
Período	2008 − 2010
Xénero(s)	Pop Indie Jazz Soul
Selo(s) discográfico(s)	Sony BMG
Membros	Virginia Maestro The Pinker Tones Risto Mejide
Antigos membros
Web oficial	www.labuat.com

Labuat é o nome do proxecto musical formado por Virginia Maestro, The Pinker Tones e mailo Risto Mejide.

Historia

Nome e fundación

Unha parte do proxecto nace da man de Risto Mejide, quen compuxo unhas cancións para que as gravase unha voz feminina e as producise The Pinker Tones. Mejide non achou a voz axeitada até que escoitou a Virginia Maestro no casting de Operación Triunfo 2008. Namentres ela estaba na academia, el xa chegara a un acordo con Sony BMG para publicaren o disco inda que non gañase o concurso.

Cando eu estaba no programa, os Pinker Tones e Risto xa estaban en contacto agardando que eu saíse e podermos comeza-lo proxecto. Mesmo eles xa falaran con Sony e acordaran que aínda que eu non houbese gañado o proxecto faríase igualmente. Está claro que eu non tiña nin idea. Estaba preocupada por saber que había de pasar coa miña vida. Era un proxecto que tiñan entre mans e só lles faltaba atopa-la voz axeitada. Creo que foi unha sorte compartida o feito de nos habermos atopado.

Virginia Maestro

Na festa que se celebrou despois da final do programa, Risto Mejide faloulle a Virginia das cancións e pediulle o seu número de teléfono para lle facer unha proposta. Dous días despois, Virginia foi á súa casa para escoitar as maquetas e viu nunha mesa unha foto súa na que puña Labuat, nome co que se sentiu identificada ó saber o seu significado.

Foi unha idea de Risto, a mañá que fun á súa casa, ós dous días de saír do programa para escoitar a maqueta e que el me propuxese o proxecto, tiña nunha mesa unha foto miña imprimida e embaixo puña "Labuat". Díxome que era o nome da sala de Barcelona onde escoitara por primeira vez jazz. Isto foi unha pista para que eu me sentise moi identificada. Despois díxome que viña de La boîte en francés que significa "a discoteca" mais máis nun sentido de sala de concertos máis íntimo, co cal cada vez íame sentindo máis identificada. Do xeito tan íntimo que teño de sentir a música de dentro cara a fóra díxenlle que sí.

Virginia Maestro

A produción do disco comezou cando The Pinker Tones pedironlle a Virginia unha lista das súas referencias musicais.

2009: Álbum debut

Artigo principal: Labuat (álbum).

O 5 de decembro de 2008 anunciouse publicamente o nome do proxecto. En febreiro do 2009 confirmouse co disco estaría composto por Risto Mejide, bardante dúas cancións (Carta de otoño, composta por Virginia Maestro; e Al margen, música composta por Risto Mejide e letra por Virginia), que os produtores serían o dúo The Pinker Tones e que o primeiro sinxelo levaría por título "Soy tu aire". O proxecto presentouse oficialmente ó medios nunha rolda de prensa celebrada no Círculo de Belas Artes en Madrid.

Finalmente o disco, de título homónimo, púxose á venda o 24 de febreiro, logrando chegar na súa primeira semana ó número 2 de Promusicae. En marzo publicouse unha edición deluxe e unha edición en vinilo.

Discografía

Álbums de estudio

• Labuat (2009)

Sinxelos

• Soy tu aire (2009)
• De pequeño (2009)

Véxase tamén

Outros artigos

• Virginia Maestro

Ligazóns externas

• Páxina oficial de Labuat