Illa Banks, Columbia Británica

Banks
Localización da illa
Situación
País	Canadá
Provincia	Columbia Británica
Coordenadas	53°25′N 130°10′O
Xeografía
Superficie	1.005 km²
Longura máxima	72 km.
Largura máxima	9´7 - 18 km.
Punto máis alto	536 m.

A illa Banks é unha illa na costa da provincia canadense da Columbia Británica. Está situada ao sur de Príncipe Rupert, no Estreito de Hecate, ao leste de e en fronte das illas Haida Gwaii. Ao leste da Illa Banks atópanse a Illa Pitt e a Illa McCauley. Ao sur atópase o arquipélago do Grupo Estevan, máis aló do cal atópase o Estreito Caamaño.

A illa Banks ten 72 km de longo e varía desde 9´7 km a 18 km de largo. Ten 1.005 km² de superficie. A illa alcanza 536 m. de altura. Localízase dentro do Distrito Rexional Skeena-Queen Charlotte.

Illa Banks foi bautizada en 1788 por Charles Duncan, capitán do buque mercante de peles Princess Royal, na honra de Sir Joseph Banks, que entón era presidente da Royal Society e acompañara a James Cook durante as viaxes exploratorias de 1768-1771.

Historia

A finais de agosto de 1787, os comerciantes británicos de peles James Colnett e Charles Duncan chegaron a Illa Banks. Ancoraron as súas dúas naves, "Prince of Wales" e "Princess Royal" no extremo sur da Illa Banks en Calamity Bay (que chamaron Port Ball). Os barcos permaneceron alí durante once semanas mentres se reparaban. Durante este tempo houbo unha serie de encontros primeiro contacto entre os británicos e algúns dos Kitkatla Tsimshian. Os conflitos menores convertéronse en máis grandes. Pronto seguiu a violencia, co uso de mosquetes, pistolas e canóns polos británicos. Numerosos tsimshian foron asasinados, feridos ou levados cutivos. Tamén durante o seu tempo en Calamity Bay, os británicos usaron barcos para explorar as complexas canles de auga da rexión, incluíndo a Canle Príncipe, Canle Douglas e o Estreito Laredo. No proceso de produción dos primeiros mapas significativos desta parte da costa.

O explorador español Jacinto Caamaño explorou a rexión en 1792, pasando pola Canle do Príncipe na corveta Aranzazu. Caamaño axudouse con copias dos mapas feitos por Colnett. As entradas incompletamente exploradas nos mapas levaron ao Vicerrei de Nova España a ordenar unha expedición exploratoria, que foi entregada a Caamaño. Durante a súa viaxe, Caamaño pasou unha estancia do mes no extremo meridional da illa Pitt, durante cuxo tempo logrou unha interacción considerable cos Tsimshian das illas Pitt e Banks.