Illa Assateague

lIla Assateague
	Assateague Island
	Cabalos salvaxes na illa
	Vista aérea da illa.
Situación
País	Estados Unidos
Estado	Maryland ; Virxinia
Xeografía
Xeoloxía	Marítima
Superficie	63,21 km²
	v; c; e;

A illa Assateague (en inglés: Assateague Island ^[1]) é unha illa estadounidense de 60 km de lonxitude situada fronte á costa oriental dos estados de Maryland e Virxinia.^[2] É coñecida polos seus rabaños de cabalos salvaxes, praias prístinas e o faro de Assateague. A illa tamén contén numerosos pantanos, baías e calas, incluíndo Toms Cove.^[3] Hai pontes de acceso de vehículos desde Maryland e Virxinia, aínda que non hai estrada que percorra toda a illa.

A illa ten unha superficie de 63,21 km² e non ten poboación residente, nin en Maryland nin en Virginia, aínda que algúns conservaron os dereitos de propiedade (principalmente campos de caza) até 2006.

Espazo natural protexido[editar | editar a fonte]

Tres axencias ocúpanse da preservación do medio ambiente nesta illa considerada polas Nacións Unidas como unha reserva de biodiversidade. Desde 1943, o Chincoteague National Wildlife Refuge, en Virxinia, estivo implicado na preservación do hábitat natural dos animais e, en particular do ganso das neves. Tamén en Virxinia, a Assateague Island National Seashore foi fundada en 1965 para preservar a illa e organizar actividades recreativas. Finalmente, en Maryland, o Assateague State Park persegue os mesmos obxectivos.

A illa tamén contén moitas marismas, baías e calas. Hai varias pontes desde Maryland e Virxinia, pero a estrada non permite percorrer toda a lonxitude norte/sur da illa.

Cabalos salvaxes[editar | editar a fonte]

A illa alberga unha colonia coñecida como "cabalo Assateague" en Maryland e o "poni Chincoteague" en Virxinia. Son descendentes de cabalos domésticos que volveron ao estado salvaxe e cuxos especialistas coinciden en que redescubriron todos os comportamentos que caracterizaban aos seus antepasados antes da domesticación. Segundo a tradición, proveñen do naufraxio dun galeón de conquistadores casteláns. Probas de ADN parecen confirmar esa hipótese, segundo publicou en xullo o Museo de Florida^[4] e un estudo revisado por pares na revista Plos One.^[5]

Outra fauna[editar | editar a fonte]

Moitas poboacións de aves habitan a illa, en particular de aves mariñas como o ostreiro americano, a garza azul e a garza nevada. Hai máis de 320 especies rexistradas para habitar a illa durante parte do ano, incluíndo gaivotas, carráns e outras aves costeiras, rapaces, etc. O Charadrius melodus é unha especie de carádrido en perigo de extinción que aniña en Assateague.

Poboación[editar | editar a fonte]

A illa non ten poboación residente en Maryland ou Virxinia, aínda que algúns conservaron os dereitos de propiedade até a década de 2000.

Turismo[editar | editar a fonte]

Na illa hai varias rutas de sendeirismo máis ou menos longas. O parque estatal é a zona máis desenvolvida da illa con 350 cámpings.

Na cultura popular[editar | editar a fonte]

A trama do episodio 18, tempada 1, da serie de televisión Bones transcorre na illa.

A raza de cabalos da illa, nomeada Chingoteague, fíxose famosa pola serie de novelas Misty of Chincoteague escritas por Marguerite Henry a partir de 1947.^[6]