Grzegorz Napieralski

Na Galipedia, a Wikipedia en galego.
Grzegorz Napieralski
Grzegorz Napieralski

Membro do Sejm
Actualmente no cargo
Dende o 24 de xuño de 2004

5º Portavoz da Alianza da Esquerda Democrática
Actualmente no cargo
Dende o 31 de maio de 2008
Precedido por Wojciech Olejniczak

Datos persoais
Nacemento 18 de marzo de 1974 (40 anos)
Szczecin, Polonia
Partido Alianza da Esquerda Democrática
Cónxuxe Małgorzata Napieralska
Profesión Político

Grzegorz Napieralski, nado en Szczecin o 18 de marzo de 1974, é un político polaco actual portavoz do partido "Alianza da Esquerda Democrática". Foi candidato por dito partido ás eleccións presidenciais do seu país de 2010, quedando de terceiro.

Educación e carreira política[editar | editar a fonte]

Despois de graduarse na Escola de Mecánica de Szczecin, estudou Ciencias Políticas na Universidade de Szczecin, obtendo o seu master no ano 2000. Desde 1995 até 1999 foi secretario da agrupación local de Szczecin do partido Socialdemocracia da República de Polonia, que máis tarde deu lugar á Alianza da Esquerda Democrática. En 2004, 2005 e 2007 foi elixido para ocupar un cargo no Sejm. No 2004 converteuse en vice-presidente da Alianza de Esquerda Democrática, e un ano máis tarde no seu secretario xeral. O 31 de maio de 2008 foi elixido presidente do partido, contra Wojciech Olejniczak. Desde o 2009 é tamén o presidente da fracción parlamentaria Lewica.

O 22 de abril de 2010, a Alianza escolleuno para substituír a Jerzy Szmajdziński, quen falecera nun accidente de avión, como candidato das próximas eleccións presidenciais. Napieralski recibiu o 13,68% dos votos e non tomou parte na segunda volta das eleccións, xa que quedou de terceiro.