Funchal

Funchal
Situación xeográfica
Estado:	Portugal
Rexión:	Madeira
Illa:	Madeira
Concello:	Funchal
Xeografía
Altitude:	0 msnm
Superficie:	76,15 km²
Poboación
Poboación total:	112.015 hab. (2011)
Densidade de poboación:	1.323 hab/km²
Xentilicio:
Información
Código postal:	9004 - 512 Funchal
Alcalde:	Miguel Filipe Machado de Albuquerque (PSD)
Sitio na web:	www.cm-funchal.pt

Funchal, cunha poboación aproximada de 112.015 habitantes (segundo datos de 2011), é a capital da illa de Madeira, unha das rexións autónomas da república de Portugal. Ademais da capitalidade, a cidade é o centro urbano máis grande da illa.

Fundada por João Gonçalves Zarco no ano 1421, só adquiriu o estatuto de cidade no ano 1508 de mans do rei Manuel I. A cidade de Funchal, e como parte do municipio, unenselle as Illas Salvaxes e as Illas Desertas, dúas reservas naturais situadas a 160 quilómetros (ambas despoboadas).

Parroquias

Funchal está dividida en dez parroquias:

• Coração de Maria
• Monte
• Santa Luzia
• Santa Maria Maior
• Santo António
• São Gonçalo
• São Martinho
• São Pedro
• São Roque
• Sé

Un volcán do planeta Marte recibe o nome da cidade.

Historia

No século XVI, Funchal converteuse nun importante porto no percorrido entre as colonias dos países europeos, transformándose rapidamente nunha cidade próspera. Igualmente, converteuse no peirao dende o que se embarcaba toda a produción de azucre e viño da illa.

Economía

Nesta cidade predomina o sector terciario, moi ligado ao turismo, nas áreas de comercio, restauración e servizos de hostalería, seguido polo sector secundario, coas industrias de construción, lácteos, floricultura e artesanía.

Na agricultura predomina o cultivo da Viña seguido da bananeiras e finalmente de flores ornamentais e froitos subtropicais. A gandería ten pouca importancia, sobre todo na creación de aves, coellos e ovinos.

O porto do Funchal é un centro turístico e de importancia relevante para os cruceiros europeos que fan escala para Marrocos, illas Canarias, Caribe e Brasil, sendo a primeira punto de parada na viaxe inaugural do Queen Mary 2, o maior buque de cruceiro do mundo..

Cidades irmás

Están irmandadas con Funchal:

• Leichlingen, Renania do Norte-Westfalia, Alemaña.
• New Bedford, Massachusetts, Estados Unidos

Personaxes relevantes

• José Vicente Barbosa du Bocage (2 de maio de 1823 - 3 de novembro de 1907) - Zoólogo portugués
• Alberto João Jardim, presidente do goberno rexional de Madeira dende 1978.
• Cristiano Ronaldo, futbolista.

Lugares de interese

• Mercado dos Lavradores
• Catedral Sé
• Xardín Botánico de Madeira
• Bodegas de Funchal
• Xardín Municipal de San Francisco
• Convento de Santa Clara
• Museo de Arte Sacra
• Praza do concello

Ligazóns externas

• Web oficial da Cámara Municipal de Funchal