Forte de Fuentes

O forte de Fuentes , é unha construción militar que está situada en Colico, na provincia de Lecco,  no norte de Italia. Localizado no outeiro de Montecchio ou Monteggiolo nunha chaira de inundación, que no pasado foi chamada Pian di Colico é agora é coñecida como Pian di Spagna.

Fuentes foi unha importante encrucillada entre Valchiavenna, Valtellina e Alto Lario, controlando as rutas de comunicación a través dos Alpes. A construción da mesma e o seu nome débese a Pedro Enríquez de Acevedo, conde de Fuentes a comezos do século XVII. Fuentes era sobriño do duque de Alba e fora gobernador dos Países Baixos entre 1592 e 1596, por tanto coñecedor da necesidade de garantir un camiño seguro para os reforzos da Guerra de Flandres que saían de Italia e nesta época debían cruzar Suíza, ante o bloqueo das zonas próximas a Francia. Fuentes negociou cos cantones católicos suízos, conseguindo o paso das tropas hispanas polos mesmos e para consolidar a posición do Camiño español, construíu sen previo aviso o chamado Fort di Fuentes, en 1603.

Galería de imaxes

• 
  O conde de Fuentes
• 
  Descrición do forte
• 
  A lenda do papel
• 
  O forte de Fuentes en 1707
• 
  O camiño para o forte
• 
  A igrexa de Santa Barbara