Escudo das Illas Marshall

Na Galipedia, a Wikipedia en galego.
Marshall Islands coa.jpg

O escudo das Illas Marshall é de forma redonda. Ten como elemento central un anxo coas ás estiradas. Darredor do anxo, comezando por arriba e seguindo o sentido das agullas do reloxo temos:

  • unha estrela de 24 puntas, representando os concellos da República, con catro puntas principais que simbolizan os atois de Majuro (a capital), Jaluit, Wotje e Kwajalein;
  • os raios representan a bandeira;
  • unha rede de pesca, xa que o peixe é o alimento principal das illas;
  • unha canoa de vela que navega sobre o océano, que ocupa a parte inferior esquerda do escudo; acompañada de fragatas, paxaros típicos do arquipélago;
  • baixo o anxo, hai unha carta náutica tradicional das Marshall, e baixo esta a verba Seal ('selo', en inglés) nunha fita;
  • logo hai unha illa plana con cocos;
  • e finalmente, entre a á dereita do anxo e o raio que sal del, atópase un deka in nin, cacharro feito dunha cuncha xigante que a poboación das illas empregaba para traballar as follas de Pandanus.

Arrodeando o selo, na súa parte superior lese en inglés Republic of the Marshall Islands ('República das Illas Marshall'), [1] e na parte inferior está escrito en marshalés Jepilpin ke Ejukaan(Logro por Medio do Esforzo Conxunto) O contorno exterior está formado por dúas cadeas unidas, que simbolizan as dúas cadeas de illas de Ratak e Ralik.[2]

Notas[editar | editar a fonte]

  1. Anteriormente poñía Government of the Marshall Islands ('Goberno das Illas Marshall')
  2. Pàgina del Govern de les Illes Marshall – El Segell