Douglas Vidal
| Douglas Vidal | |||
|---|---|---|---|
| Información persoal | |||
| Nome | José Ángel Vidal Douglas | ||
| Nacemento | 15 de xaneiro de 1928 | ||
| Lugar de nacemento | Ciudad Guayana | ||
| Posición | Centrocampista | ||
| Carreira sénior | |||
| Anos | Equipos | Aprs | (Gls) |
| 1945–1949 | Dos Caminos | ||
| 1950–? | Loyola | ||
| Deportivo Vasco | |||
| Estudiantes | |||
| Deportivo Celta | |||
| Deportivo Galicia | |||
| Selección nacional | |||
| Venezuela | |||
|
Partidos e goles só en liga doméstica. [ editar datos en Wikidata ] | |||
José Ángel Vidal Douglas, coñecido como Douglas Vidal, nado en Ciudad Bolívar o 15 de xaneiro de 1928, é un exfutbolista venezolano. Xogaba de centrocampista e foi internacional coa selección venezolana.
É o pai do exfutbolista e empresario Juan José "Cheché" Vidal.
Traxectoria[editar | editar a fonte]
Comezou a xogar ao fútbol no colexio salesiano da súa cidade natal, Ciudad Bolívar. Na década de 1940 trasladouse a Caracas, onde militou no equipo do Liceo Fermín Toro.[1] Alí viuno xogar o italiano Vittorio Godigna, técnico do Dos Caminos Sport Club, que o levou para o seu club. Xogou un só partido co equipo que militaba en Terceira, anotando tres goles, e subiu inmediatamente ao primeiro equipo, co que se proclamou campión da Primeira División en 1945 e 1949.
En 1950 fichou polo Loyola, co que acadou tres subcampionatos de liga. Máis tarde pasou polo Deportivo Vasco, Estudiantes e o Deportivo Celta, reconvertido logo en Deportivo Galicia, onde coincidiu cos seus cuñados Luís e Rodolfo Noya.[2]
Despois de retirarse do fútbol foi directivo do Valencia FC, que presidía o seu cuñado Rodolfo, presidente da Liga Maior, , e vicepresidente e finalmente presidente da Federación Venezolana de Fútbol.[1]
Selección nacional[editar | editar a fonte]
Coa selección venezolana participou en dúas edicións dos Xogos Bolivarianos en 1951 e 1961, nos Xogos Centroamericanos e do Caribe de 1958 e nos Xogos Panamericanos de 1955.[1]
Foi o primeiro futbolista en marcar un gol no Estadio Olímpico da Universidade Central de Venezuela. Foi o 5 de decembro de 1951, na vitoria por 4-1 contra Panamá.[3]
Vida persoal[editar | editar a fonte]
Casou en Caracas coa galega Violeta Noya Domínguez, filla do futbolista, sindicalista e xornalista da Guarda Xoán Noya.[4] Coñeceuna nun partido do Loyola, onde Douglas era compañeiro do irmán dela, Rodolfo Naya.[1] O seu fillo Cheché Vidal foi tamén futbolista e internacional coa selección venezolana.
Notas[editar | editar a fonte]
- ↑ 1,0 1,1 1,2 1,3 "Jose Angel Vidal Douglas , la gacela guayanesa" (en castelán). 16 de novembro de 2018. Consultado o 14 de abril de 2021.
- ↑ "Chao, nuevo entrenador del Lar Gallego de Caracas". La Voz de Galicia (en castelán). 7 de outubro de 1959. p. 5.
- ↑ Douglas Vidal anotó el primer gol vinotinto - futbolvision.com.ve
- ↑ "Enlace Noya Domínguez-Vidal Douglas en Venezuela". La Noche (en castelán). 29 de xuño de 1956. p. 7. Consultado o 14 de abril de 2021.
