Donald Knuth
Na Galipedia, a Wikipedia en galego.
Donald Ervin Knuth, nado o 10 de xaneiro de 1938 en Milwaukee (Wisconsin), é un dos máis recoñecidos expertos en ciencias da computación pola súa investigación dentro da análise de algoritmos e compiladores. É Profesor Emérito da Universidade de Stanford.
Coñéceselle principalmente por ser o autor da obra The art of computer programming, unha das máis respectadas referencias no campo das ciencias da computación. Sentou as bases e deu nome á análise de algoritmos, e realizou numerosas achegas a varias ramas teóricas da informática. É o creador de TeX, do sistema de deseño de tipos METAFONT e do estilo de programación coñecido como programación literaria (Literate programming).
