Domaio, Moaña

Na Galipedia, a Wikipedia en galego.
(Redirixido desde "Domaio")

Coordenadas: 42°17′06″N 08°42′44″W / 42.28500°N 8.71222°W / 42.28500; -8.71222

Domaio
Domaio.jpg
Igrexa parroquial.
Concello Moaña
Poboación 2.052 hab. (2004)
Entidades de poboación 6

San Pedro de Domaio é unha parroquia que se localiza no concello pontevedrés de Moaña na comarca do Morrazo. Segundo o padrón municipal de 2004 tiña 2.052 habitantes (1.049 mulleres e 1.003 homes), distribuídos en 6 entidades de poboación, o que supón un aumento en relación ao ano 1999 cando tiña 1.966 habitantes.

Xeografía[editar | editar a fonte]

A parroquia está situada na ría de Vigo, ao leste do concello de Moaña, lindando co veciño municipio de Vilaboa a través da parroquia de Cobres.

Patrimonio[editar | editar a fonte]

No Regueiriño achouse un importante asentamento correspondente ó neolítico final, e na Fontenla documentouse por primeira vez en Galicia a presenza de elementos da cultura do vaso campaniforme fóra de ambientes funerarios. Acháronse tamén na zona ferramentas e armas de cobre e bronce, e consérvanse petróglifos. Da época castrexa é o castro de Montealegre.

A igrexa parroquial de san Pedro é un templo de estilo barroco serodio. Foi construída no século XVIII, logo de que en 1702 a parroquia fose saqueada logo da batalla de Rande. O templo está situado na enseada de Mouro, preto do estreito de Rande. Ten planta rectangular dunha soa nave e presbiterio cadrado con cuberta a catro augas. A gran torre campanario está situada no centro da fachada occidental, e ten dous corpos superpostos: o primeiro, de planta cadrada, con arcos de medio punto abertos nas catro caras, flanqueados por pilastras adosadas, e rodeado completamente por un monumental balcón abalaustrado. O segundo corpo, máis pequeno, é un macizo cilíndrico coroado con cupuliña. Complementan a decoración piramidóns rematados en bóla nos extremos da fachada e no alto das catro esquinas da torre. No interior do templo hai dous retablos barrocos do século XVIII, un deles datado en 1786.

Outro templo relixioso é a ermida de san Bieito, situada no lugar do Calvar.

O Campo de Golf Ría de Vigo foi inaugurado en 1993.

Galería de imaxes[editar | editar a fonte]

Lugares e parroquias[editar | editar a fonte]

Lugares de Domaio[editar | editar a fonte]

Lugares da parroquia de Domaio no concello pontevedrés de Moaña

O Calvar | Carballido | A Costa | Palmás | San Lourenzo | Verdeal

Parroquias de Moaña[editar | editar a fonte]

Galicia | Provincia de Pontevedra | Parroquias de Moaña

Domaio (San Pedro) | Meira (Santa Eulalia) | Moaña (San Martiño) | Moaña (Virxe do Carme) | Tirán (San Xoán)

Véxase tamén[editar | editar a fonte]

Outros artigos[editar | editar a fonte]