Distrito de Leiria

Na Galipedia, a Wikipedia en galego.
Distrito de Leiria
Localización do Distrito de Leiria

O distrito de Leiria é un distrito portugués que se atopa dividido entre as provincias tradicionais da Beira Litoral e a Estremadura. Limita ao norte co distrito de Coimbra, ao leste co distrito de Castelo Branco e o Distrito de Santarém, ao sur co distrito de Lisboa e ao oeste co océano Atlántico. Abrangue un área de 3.517 km², sendo así o 13º maior distrito portugués en extensión. Ten unha poboación residente de 459.450 habitantes (2006), e a súa capital é a cidade de Leiria.

Ten 148 freguesias distribuidas polos seus 16 concellos.

Concellos e división por rexións[editar | editar a fonte]

O distrito de Leiria subdivídese nos seguintes 16 concellos:

Na división do territorio portugués en NUTS II, o distrito atópase totalmente integrado na Rexión Centro. Os seus concellos distribúense polas subrexións do Oeste, Rexión de Portugal (o cal foi transferido á Rexión Centro en 2002 coa redución da área da Rexión de Lisboa e Val do Texo), Pinhal Litoral e Pinhal Interior Norte. En resumo:

Poboación[editar | editar a fonte]

O concello mais poboado é o de Leiria, que é o único com máis de 100.000 habitantes. Ademais deste, só os concellos de Alcobaça, Caldas da Rainha e Pombal teñen máis de 50.000 habitantes. Os concellos situados no nordeste tiveron un crecemento poboacional negativo nos últimos anos, mentres que Leiria, Caldas da Rainha e Marinha Grande son os concellos que máis medraron en poboación. No tocante á distribución por idades, Leiria é o concello com menor porcentaxe de poboación con máis de 65 anos.

Actividade económica[editar | editar a fonte]

Actualmente, a dinámica económica do distrito é, predominantemente, do tipo urbano-industrial. Son poucos os concellos nos que non se deron as condicións necesarias para o desenvolvemento industrial, os cales seguen cunha actividade maioritariamente agrícola e rural.

De acordo cunha lista da NERLEI (asociación empresarial de Leiria), o sector primario produce no distrito, relativamente aos totais de Portugal: 80% de peras, 35% de mazás, 20% de pexegos, 15% de viños de calidade, 50% de efectivos porcinos, 19.500 hectáreas de piñeirais en réxime continuo, 8200 hectáreas de bosques comunais, 17% de pesca e unha boa parte do queixo denominado “Rabaçal”

No sector secundario, Leiria é o distrito líder na fabricación de moldes metálicos, tendo igualmente unha grande importancia as industrias extractiva, transformadora e da construción civil. As industrias atópanse principalmente nos concellos de Leiria, Alcobaça, Marinha Grande, Pombal e Caldas da Rainha, que proporcionan o 70 % das unidades industriais do distrito e 75 % do emprego neste sector.

Finalmente, o sector terciario supón máis do 50% de todo o tecido empresarial do distrito. A poboación activa relacionada con este sector medrou progresivamente nos últimos anos. Este crecemento foi sensibelmente proporcional ao incremento poboacional nos arredores dos principais centros urbáns, situándose xa por riba do 40%. Máis de 70% das empresas deste sector están ligadas ao comercio. Tamén existen importantes empresas de transportes, de servizos de saúde privados e públicos e unha notábel rede escolar, con varias Universidades privadas e seis Escolas Superiores do Instituto Politécnico de Leiria, situadas nesta cidade, en Caldas da Rainha e en Peniche. Tamén a prensa, falada e escrita, ten no distrito delegacións dos principais órganos portugueses.

Infraestruturas[editar | editar a fonte]

O transporte ferroviario do distrito é un punto débil, debido á visíble decadencia da liña do Oeste. Para solucionalo está proxectada unha futura liña de alta velocidade. O concello de Pombal está comunicado a través da Liña do Norte, a principal liña ferroviaria portuguesa.

Con respecto á rede viaria, o distrito está cruzado polas autoestradas A1 e A8, até à cidade de Leiria. Os restantes concellos teñen accesos a través de estradas IP e IC.

O futuro aeroporto de Ota facilitará as comunicacións aéreas do distrito, aínda que non se descarta a posibilidade de apertura ao tráfico civil do aeródromo militar de Monte Real.

Nas comunicacións por mar, é importante mencionar os portos de pesca de Peniche e Nazaré.

Patrimonio[editar | editar a fonte]

O distrito de Leiría conta cun abundante e importante patrimonio arquitectónico e paisaxístico. Entre os monumentos e lugares máis salientables están os seguintes

Ligazóns externas[editar | editar a fonte]